…..وتاه القلب !!!!

…..وتاه القلب !!!!

أنا أهواك..

أنا أحياك ..

أنا بعضي ..

أنا كلـــــي ..

وكل اللي تبع ظلي ..

تراه يفداك

أنا أحبك ..

وأبي قربك..

وأبي أمشي على دربك

أبيك أقرب من الأنفاس ..

أبيك أقرب من ألاحساس ..

بعد أقرب ..

بعد أقرب..

أبيك أنا .. وأنا أنت ..

تراي إنت .. وإنت إنت

بعد عمــري ..

ضيا فجري..

ترى كل البشر إنت ..

تراك إنت اللي تمنيته ..

وإنت إنت اللي أنا اغليته ..

زهت أيامي بحلمك..

وغرقت في جوك ويمك..

أيا عطري ..

أيا زهري ..

أيا أقصى مدى فكري ..

تراى أهواك ..

تراي أحياك..

أيا حبي …ومتاهاته ..

أيا قلبي … وآهاته ..

أيا عطر الحكي والحرف ..

أيا لونه ..

أيا ذوقه ..

ياحرفي وطلسمة حرفي ..

تراك الحبر وجنونه ..

وأنا دونك بليا حرف

أبيك تلون أيامي ..

بعد ماهي رماديه

أبيك تسير أيامي ..

ملل صارت حياديه

أبي اسمي على حروفك ..

على حتى متاهاتك

أبي يحيى على قربك ..

أبيه الصمت بشفاتك

تخاصمني على جرحك ..

وترسمني بخطواتك

وحيل تضمني لقلبك ..

تهدهدني بنبضاتك

أبي كل المدى قربك ..

وزادي يبقى ضحكاتك

غلا قلبي ..

ضيا دربي ..

أبيك أقرب ..

بعد اقرب ..

تراي أهواك..

تراي أحياك ..

غلاي أرجوك سامحني ..

أذا بكذب على قلبي

غلاي أرجوك سامحني ..

أذا ضيعت أنا دربي

تراي أكذب ..

بعد أكذب ..

أنا بكذب على قلبي ..

أبي تبعد عن أحــزاني

وخطاي أنكرت دربي ..

تحاول تمحي عنواني

حنانك.. هو دفا كوني ..

وجودك ..ضي لعيوني ..

أمانه أرجوك سامحني ..

أذا زورت أنا شعوري

خلاص أرجوك ريحني ..

بلاها العوم فبحوري

أنا أتألم ولكن ..

أبد عني ما أبيك تحس

أنا أتكلم ولكن ..

بلا حتى حكي أو همس

غلاي إنت ..

دواي إنت ..

فديتك .. يابعد هالناس ..

فديتك .. ياضيا الالماس ..

فديت الدمعه فعيونك ..تناديني ..

فديتك يوم تهمسلي .. تواسيني ..

خلاص أصحا تحاكيني..

تراي حيل فرحانه

خلاص أصحا تواسيني ..

أحد قد قال زعــلانه ؟؟

فديتك ياغلى هالروح ..

سامحني أذا كذبت

فديتك ياغلا هالروح ..

صدقني أذا كذبت

أظل أكذب على قلبي .. عشان أرتاح

وأبيك تتوه عن دربي ..أبي ترتاح

غلاي إنت ..

دواي إنت ..

كذبت وقلتلك إني ..

أنا ما أهواك

وكذبت وقلتلك إني ..

أبي أنساك

خلاص أرجوك .. صدقني ..

وخلاص .. أرجوك كذبني ..

أإذا جيتك بأشواقي ..

وضاق الدمع بأحداقي ..

وقلت إني ..

أنا أهواك ..

أنا أحياك ..

ولا يمكن فيوم أنساك ..

ولا يمكن فيوم أنساك ..