مسجات جوال فراق ، رسائل بعاد للهاتف
عرفت أبكي من الفرحه
عرفت أضحك من الأحزان
عرفت ان الدموع أرحم وأصدق من يواسيني
عرفت ان الوهم دربي ولا به من يقدرني
عرفت ان الزمن خوان
عرفت ان العيون اللي بكت لي أمس
جت اليوم تبكيني!!
******
عفيه على قلبك وعفيه عليك انت
تبي الصراحه زين سويت فيني
مشكلتي اني على حبك أدمنت
وبك بساطه قلتها ماتبيني
عفيه على قلبك وشكرا ولا هنت
تبي الحقيقه بيدي أعميت عيني!!
******
البارحه في لذيذ النوم لاقيته
حلوم جابت حبيب الروح خداعه
فزّيت ارحب ودمع العين هلّيته
رميت نفسي وجا راسي على ذراعه
وقعدت أضمه وفوق الصدر لميته
وأثرني أضم الوساده صارلي ساعه!!
******
دنيا غريبه والبشر مثلها أغراب
لو هي صفت لك ما صفوا لك بشرها
تعطيك من لذتها كل ما طاب
تغريك ثم تغرقك في بحرها
وانا عطتني دنيتي الزين والشعر منها شاب
واللي بنا دنيتي هو نفسه اللي دمرها
******
من عادتي مادس درب الصداقه دس
ألعب على المكشوف وأكشف سواده
من مدلي يمناه مديت له خمس
ومن صد عني عفت شوفت بلاده
لأني عزيز وعزتي تحكم النفس
والنفس ماترضى بهون المكاده
******
مثل النسيم العذب تجرح سكوتي
تسرق بقايا ضحكتي وسط الأصحاب
أحاكي أصحابي وهم يسمعوني
وقلبي معك وكنهم عندي أغراب
وعنك يحاول بعضهم يسألوني
متى؟ وكيف؟ ووين؟ أصبحتوا أحباب؟؟
******
أبشتكيلك دامك أعز الأصحاب
شكوى جريح يبتسم في ونينه
جرح أحسبه طاب وأثريه ماطاب
خلا دموع العين تنزف حزينه
جرح مع القلب حاضر ولا غاب
خلا همومي فقلبي سجينه
ماهي جروح الحب ألام الأحباب
جرح الصديق اللي غلاته ثمينه
******
الضحك ماهو علامه مستريح
والبكي أحيان مايوحي بحزن
خذ مثل مني: أنا قلبي جريح
وأبتسم لك من غرابيل وشجن
وان بكيت يجوز أبكي من صحيح
من جرح، من ظلم، من صدمة زمن
أو يجوز أبكي علشان أستريح
أو نتيجه شوق أو خلٍ طعن
******
مات الحكي وأحرجني الموقف احراج
وعجزت أعبر عن هواي اعذريني
ما غير جمله حطها الخوف بسياج
(قلبي يحبك حيـــل لا تتركيني)
نطقتها أخشى أسبب لك ازعاج
ولولا الغلا ماقلتها صدقيني
******
عفوا كاني بحقق أخطيت
ارجو السموحه لا تخيب ظنوني
عفوا كاني نسيت أو تناسيت
الوقت والايام عنك خذوني
توك قبل لحظه على البال مريت
توني أسولف عن غلاك لعيوني
مثلك أنا لا حشا ماتناسيت
وان كان وقتي والمشاغل حدوني
******
ماتفرق معي لو خذاك الوقت أو جابك
فالحالتين الموت أقرب لي من ظلالي
اما بموت من الوله لا طول غيابك
أو بموت من الفرح لا شفتك قبالي
******
آسف على الغيبه ما كنت فاضي
آسف على التقصير لا كنت قصرت
رجعت لك حاضر ماني بماضي
أبعتذر يمكن عليكم تأخرت
حطيت في غيبتك الحب قاضي
وحكم علي أرجع لو ما تبصرت
رجعت لك قانع بحبك وراضي
محدٍ جبرني يوم جيتك وقررت
******
لو طحت من عيني
أنا أقول ( لو ) طحت !!
تنزل بقلبي والخساره لعيني
و ان رحت مني
أنا أقول ( ان ) رحت !!
ماهي خساره لو بكت لك عيوني
و ان ضعت في بعدك
أنا أقول ( ان ) ضعت !!
هي ضايعه من دون وصلك سنيني…
كلمة أحبك من شفاتك .. تكفيني .
******
خل الرفيق اللي غدر بي يسليك واذكر ترى من خان لاجلك يخونك
مبغاك ويكفيني تعب مبغاك لو إنك ذهب يا خسارة وقتي معك
خذ الباب بطـريـقك حبك ما عاد ينفـعني ترى ما عاد لك قيمة ولا للحب أهميه
كلي أسف يامن أخطيت فيه باختياري كنت لي عزوتي وناسي مدري أنك أول أعدائي
ما أبيك لكن في هذا الوقت محتاجك في موت حبك أبى تحضر تعزيني
أعاتبك لأنك قسيت على قلب بعمره يفداك وان مره وفيت بيحطك فعيونه ويغلاك
يا زارع الوردة على الصخر غلطان مثل الذي ينقش على الماء قصيدة
شيلي من راسك حكايه ترجعي مابقالك في فؤادي متسع انت جرح كان في طرف اصبعي وابصراحه ماأذكر في اي صبع
ابعد وانا ابعد عشرتك عذبتني ما اريدك ابعد خاطري منك مكسور وليه يوم ان الظروف أجبرتني تركتني وأنا احتري منكم الشور
برحــل وابترك لك بقايا أمانيك غدرك عذاب حـال دوني ودونك وخل الرفيق اللي غـدربي يسليك وأذكر ترى من خان لأجلك يخونك
تعبت والله وانا انتظرك تعبت وانا ابي شوفتك متى تنضر لي وانضر لك واعيش بحبك وعطفك
ايام عمرى اربعه: يوم لقياك ويوم رؤيتك ويوم هواك ويوم العيد معاك نفسى اعيشه معاك
من العذاب:ان تكتب لمن لا يقرأ لك. وأن تنتظر من لا يأتي لك. وأن تحب من لايشعر بك.وأن تحتاج من لا يحتاج لك.
فاقد حبيبي وانتظر من يرجعه لقيت الايد عاجزة والقب ماينبض
كان الخطا في عالمك شي عادي ****!! ماني من لو لاجرحته ضحك لك ..**!
يقول : انت مثل الدمعه بعيني أخاف تنزل أفقدها واذا نزلت غصب عني أحط ايدي واحضنها
هزني الشوق وقلت ارسل له رساله عسى قلبه يحن واجي شوي على باله
وين الوعد ياعني تراني غطني النور واليوم ما نام من عيني بسبك يابعد عيني..
مالي مزاج .. ارجع اقلب دفاتر .. اوراقها تجريح .. وسطورها عتاب .. مالي مزاج .. انظر لصوره قديمه فيها الملامح تضحك .. بوجه كذاب ..
لو تباعدنا غدا الكون الكبير شارع مظلم وتبكيه البيوت جائز الوضع من بعدك خطير وجائز إن الهم في صدري يفوت بس شي واحد محال إنه يصير ما أذل النفس لجلك لو تموت
طالت الغيبات يالغالي علينا وإن سألنا عنك هذا من غلاك لو يطول البعد ما والله نسينا المشاعر همها لحظة لقاك يا كريم النفس مثلك ما لقينا لك معزه زادها عندي وفاك
اشتقت لك وانا على البعد مجبور.. ودي اغمض وافتح العين والقاك.. ارسلت لك رسائل فراق شوقي عصافير وطيور.. وش حيلة اللي يرتجي لمس يمناك.. أضحك مع ربعي ولاني بمسرور.. سارح بفكري واشتكي ضيم فرقاك
تلومني فيك! يوم اغليك! يا اغلى جروحي ومشيها.. ابيع كل البشر واشريك.. يا غايب صرت افكر فيك.. بأول همومي وتاليها.. اطلب حياتي وانا بعطيك.. تستاهل الروح ومهديها..
تظن في غيابك أموت من القهر والشوق ؟ لك الله من تفارقنا أحاول اذكر أوصافك
علم غرورك عزتي مالها حد ولي وجه غير الود مابي تشوفه ! ايام صدك عدها لاخر العد ونشوف انا والا انت يلقى الحسوفة
قلبي اللي افرحه فارق اهل المصلحه .. بس اللي يذبحه مانفع طيبي بهم ..
يقولون الغلا ينقص لو طال الغياب..وربي لو انك باخر الدنيا بقلبي ما ينقص غلاااااك..
غرك زمانك والدلع والمياعه ما علموك اني على الضيم رجال عيبي قنوع وميزتي بالقناعه والجرح يلقاله مع الوقت شيال
