محبتك فالوقت ذا ما اتشبه
يا مرتع القلب الحزين ومربه
يزين بك مثل الذهب صدر الابيات
نبع الغـلا عندك وعندي مصبه ..
ومن الوله في خافقي لك ولايات
ومكانك الصدر ولك القلب شبه
بين الضلوع اللي فرقها التنهات
وطيفك حطب عيني وعين مشبه
والشوق برد من قطع بين لحظات
ولك بيرق في القلب حبك يهبه
شامخ ولا هزه من العقل غارات
محبتك فالوقت ذا ما اتشبه
الا بخيمة بدو بين العمارات
ان شفتني ضايق واهوجس واسبه
اخاف غدر الوقت والوقت دورات
اليوم كل امورنا مستتبه
وبكره ما ندري وش معه من مسرات
ارب قلبك مثل قلبي اربه
ما يخلفه كثر العذل والمسافات
لا تحسبن دمعي نزل دون سبه
ابكي من الفرقا واهي ما بعد جات
