قصيدة فراق ووداع , Poem reproach
ما كنت اريد منك قصه بطوليه تنتهى بنهايه سعيده .
ما كنت انتظر منك تظحيات كبيره او فرحه ابديه لــم
اطالب انانيتك يوما بأن تمنحنى الحياه التى تمنيتها
اردتك فقط ان تفهم كيف احببتك اردت منك ان تعرف
لأجل من كنت لا انام ولأجل من تنزلت عن الكثيـــــر
اردتك ان تفهم معنى ان يكون العالم الذى بداخلـــك
لا يتسع الا الشخص واحد …..؟
اعلم بأنه يحبنى لكنى اعلم ايضا انه لا يفهمنى
اعلم بأنه يخاف على ولاكــــــنه لا يــحمينــــــــــى
اعلم بأنه يفتقدنى ولاكنه لا يبــــــــــحث عنــــــى
واعلم ايضابأنى ظمن اشياءه ولكننى لست اهمه
مؤلم جدا ان يمزقك الشوق لصوت تشتاق له فتفكر بالاتصال به
ولانصات اليه بصمت لكن تتذكر ان رقم هاتفك سيظهر علـــــــى
شاشه الجوال وتتراجع بأسم الكرامه والكبرياء.
فمان الله يا أخر سنين
الشقا ويا العذاب
فمان الله رووووح ولا
تلتفت بعد الغياب
فمان الروح اللي أدمتها
طعونك
فمان جروح اسقتني
يدينك
فمان الكذب اللي عشته
في عيونك
فمان هموم ورتني
سنينك
انا ببدى عمر ثاني
بدونك
أبد ما احتاج فيه لمسة
يدينك
كنت احبك . .
كنت احس بالجرح فيك
لو مالمسته
كنت أشوف الحزن فعيونك
لو ماحكيته
كان الهم فقلبي كبير
ولعذابي طعم غير
لما أشوف فيك التعب
اللي يترجمه الغضب
لو ماشكيته
كنت من خوفي عليك
أحرم عيوووووووني المنام
لين اطمئن انك بخير
وأحضنك في عيوني وانام
كان قلبي أشبه ببركان
ثاااااااااير
وكان حبي من لهيبه
يحترق .!!
كان شي في داخلي
ضايع وحاير
مدري خوفي
والا خوفي
والا خوفي والأرق
قلبي حزين ومنكسر
وده يلوح للأمل
بس للأسف :
حتى الأمل
وجهه تحطم واندمر
صار الوجود مثل العدم
حتى السفر
صارت دروبه جمر
درب واحد ودايم نهايته الألم
حتى الفرح
لملم بقاياه ورحل
عن قلب هاااااالك في الجروووووح
آآآآآآه وينك يالفرح . .
عن قلب مااااااااااات في ليلة فرح
لما كل هذا العذاب ايها القلب؟
تراني اتجرع كؤوس وحدتي
وتنهشني ايامي الحزينة
فأذوب فيها كقطع السكر
كيف تهون عليك هذه الدموع؟
النازلة كخيوط المطر
التي لم تفارقني منذ غيابك
كيف يهون عليك
ان تراني اعد ايامي الاخيرة؟
واموت في صمت ! ! !*
لم تزل تضحك على دمعي
لين جفّ الدمع
والآهات جفـّت
ولم تزل تضحك على عشقي
لين مات العشق
والأفراح ،، ماتت
.
كانت أغلى من عشقت
ولم تزل أغلى
كانت أحلى من عرفت
ولم تزل أحلى
كانت أوفى من وفا
وصارت أكـذب من يخون
.
العشق موت
الا الممات ارحم واحنّ
وحزن الهوى
حزن الهوى ماله دموع
بس له عيون
تغمض جفون الحزن
وياخذها “العمى”
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
قلت السبب قال الليالي غريبات = إنه العلاقه واعتبرنا انتهينا
انا بحبل انسان ماهي دعايات = ارجوك ابعد خايف انًه يجينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
وآخر كلامه قال لي كم كلمات = لاتسيء ضنك في غصبٍ علينا
ولف العباه وراح وانا بحسرات = فرقاًجرت من غير ذنبٍ جنينا
وقفت اخايل غض الأنهاد لحظات = فيهن تهدم كل شيٍ بنينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات = وياما على سود الليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فينا
وارجع واكرر كلمةٍ لي بسكات = ياليتنا عقب البطا ماالتقينا
الــــــــــــــــــجزء الثــــــــــــــــــاني
تكررت عقب البطا والتقينا = من عقب مامرن سنينٍ طويلات
في صدفةٍ فيها حشا مادرينا = ولاهقينا نلتقي عقب مافات
لاشك جابتها الليالي وجينا = رغم الفراق ورغم ذيك المسافات
في موقٍف بان التوتر علينا = لحظه تلين إبها القلوب القويات
قالت شلونك قلت ربك عوينا = الحمد لله عاضني عقب لوعات
الله رزقني في هنوفٍ تبينا = احيت خفوقٍ كان بعداد الأموات
هي نور عيني فرحتي والضنينا = ألقابها عن ظيقة الصدر سجات
قالت سليت وقلت عقبك سلينا = لكن عقب مالاعنا الحب مرات
قالت شلون وقلت لاتسألينا = مافات فات ولا تفيد الحسوفات
قالت تكلم قلت مهما حكينا = الدمع ماينفع عزيزٍاليامات
قالت نسيت وقلت لامانسينا = لكن قنعنا والقناعه من الذات
قالت أروح وقلت وش في يدينا = روحي عسى في كل خطوه سلامات
بصبر على فرقاك مهما حيينا = ولا تشوه صادق الحب زلات
قالت على ماكنت دنيا ودينا = تكرم ونكرم عن دروبٍ رديات
قلت اسمحيلي قبل لاترحلينا = يم الديار اللي علينا بعيدات
تراي ذخرٍ لاحدتك السنينا = اجيك مهما واجهتني صعوبات
من اليوم اخوك وغيرها ما بغينا = كلي فداك ان صار بالوقت ميلات
وتبسمت بإعجاب مدري حنينا = وتهشمت قدام عيني بعبرات
قالت فمان الله قلت انتهينا = واقفت تكلم نفسها بس بسكات
وقفت تقديرٍ لها ثم مشينا = دربٍ مشوه اهل القلوب العفيفات
امشي واردد ليتنا ماالتقينا = وش جابها عقب السنين الطويلات