قصيدة البرق والرعد , شعر عن البرق والرعد , اشعار وخواطر عن الاجواء الممطرة
البرق يلفح والرعد ماسمعناه=من مرقبن يادوب عيني تشوفه
عيني تراعيله ولاعنه مصغاه=مما تشوف العين نفسي شفوفه
طلبت ربي ياعسى الخير مقفاه=ويالله عسى دارن نزلها لهوفه
من شان دار الصيد ياحي ملفاه=دارن لها فالوقت جوله وحوفه
وعزمت بالمقناص والشوق طرياه=ومحدن يرد اللي يصفق كفوفه
وقمت اتلفت الخوي وين خوياه=سباق قدامه وطوفه بطوفه
وصلت حد الصيد وهذا اتمناه=ضبين على العارض مبين وقوفه
وصرت اتحرص لين مازان مرماه=رميه من الرماي تفرق كتوفه
وأمساء على الليل والليل منساه=والليل دايم للقلوب العطوفه
وقمت اتقرب حب قلبي وذكراه=بنتن لها بالقلب حب أولطوفه
هذي هواء عمري وقلبي وشقياه=وهذي حواسيس القلوب الرهوفه
هاجوس في عمري على القلب يقلاه=يقلأ هواجيس العناء والتلوفه
اسباب حبن هد قلبي من اقصاه=وتلف مشاعر قلب باقواء عنوفه
الحب مايرحم من يبغى ايتوطاه=قلبك وعقلك ضد نفسن عيوفه
هذا حبيبي وكل عمري ولا اسلاه=راع العيون اللي رموشه رفوفه
وهذا وكلن كتب فالحب واهداه=واناء هدية حب قلب الهنوفه
لج الرعد واستانست وحشة الليل
برق (ن) سنا نوره ضوى الكون كله
رش المطر ..والوسم توه مداخيل
خد الهوى دمعن من الغيـم هلّــه
بيت الشعر صارت انطيه مزاميل
امروبع(ن) ..كرب المطر جايزن له
فج النهار وصورة الشمس بالسيل
وباقي السحاب يداعب القاع ظله
الجسم ناحل واتعبتـه التعاليـل
قلبن سرابه هاجسه عنـد خلـه
ابطى عليه..بالوصل والمراسيـل
اليا طرا اقصـى المعاليـق تلـه
ادري نساني مير مافي يدي حيل
الله يجيب اللي يسـد ف محلـه
بدري عليها عبرتـي يالمناديـل
ماوالله دموعـي ورقكـ(ن) يبلـه
كريم يا برق سرى يشعل اشعال \ برق السحاب اللي ترازم رعوده
ناض وتلالا وأمطر المزن همال \ والجو منعش فيه غيم وبــــروده
وسالت نفود العرق وسهول وجبال \ كل الديار بفضل ربي وجــــــــوده
والعشب الاخضر والزهر سحر قتال \ وطير السعد غنى تعدى حـــــدوده
يلعب طرب والجو غايم ولا زال \ فكر المولع بالربيـــــــــع ووروده
ونبت الخزاما والنفل فوق ميال \ ياما حلا شوفه ويازين عـــــــوده
وشوف الندى جذاب في كل الاحوال \ فوق الزهور النرجسيه وجـــــوده
الذود ترعى بالمراعي وتختال \ متناثره والروض الأخضر تـروده
البرق اشـوفه والرعـد له دنيني = ومن بعـدها شفت المطر والخباري
لـكـن ما قـول الا يـاربي تـعـيني = مـتـغـيـرا جــو الــمـطـر والاثـاري
لاشـفت ناسا بالمطـر تـسـتهيني = صـار الـفـرح والـحزن كلا ايباري
ناسٍ على شوف المطرله حنيني = ونـاسٍ عـلى شــوفـه تهل العباري
شـفـنا سـيـول وسـطـها ميـتيني = وشـفـنا بـعـضهم مامسـكـته مذاري
وشـفنا من الاهـوال شيا يـقيني = نـشوف شوف العين والسيل جاري
والله لـويجـمـع لـهـا مـدربـيـني = ماحـدا يـصـد السـيل لاجـاك سـاري
وبالعـقـل والحكمـه وقلبا فطيني = مـاحـد يـجي وسـط الهلك والغداري
حـبـيـت اصورمنظرا قدم عيني = كـل مـاذكـرتـه مـني الـعـقـل طـاري
اشـوف وانـتم كـلـكم شــايـفيني = نـاسٍ عــقــولـه صـار فـيـه دمـاري
وش الـحـكم فيها من الفاهميني = لاصـار مـاهـو عـاقـلا باخـتـصاري
يا مـنـتـحـر ولا لـه مـفسـريني = لاصـار يـمشـي داخـل السـيل داري
وصلاة ربي عـد ممطـر غـشيني = عـلى نــبـي الــديــن امـرا اجــبـاري
