قصيدة اعتذار , Short poem

الشعر والله في خاطري دار … وتفجّرت من قلبي أبيات

بنت الخليج اللي لها أدوار … متعلّمة ولها مجالات

ليش اتردد ليش تحتار … رحت اتزوّج اجنبيات

لي ما تربت عند مغوار … ولا عندها سنّه وعادات

كل يوم تتغّير في الاطوار … متعقّدة ودايم فحالات

وكان لبلدها سرت زوار … بالقاك تحجز في المطارات

صدق اعدمت عليك الاشوار … وارميت نفسك في المتاهات

الوقت هذا صار غدار … ويدور بك مثل المجرات

رد الهلك واخطب مع الجار … وارتاح من ختم السفارات

ظبي تربى داخل الدار … يصبح ويمسي في الامارات

يخشع فوادي لي مشى وثار … وتصيبني في القلب هزات

نظرات عينه تقول رادار … والخد مصدر للاشعات

أعيد وأردد بتكرار … لكم شباب اليوم بالذات

بنت الخليج اللي لها أدوار … متعلمة عندها مهارات

هذي نصيحة ومنكم اعذار … إن كان في قولي خطيات