قصائد عن القهوة , اشعار قصيرة عن القهوة , خواطر عن القهوة , شعر لعشاق القهوة
تقول القهوة :
أنا جميلة .. و البشر تشتهيني
طعمي يضاهي كل عذرا تحالته
هذا و أنا مُرّه : يموتون فيني ( :
خلوا الحلا للشاي ماني بحاجته !
ويقول سالم بن تويم الدواي العازمي
الصبح ماحلى شبوب النار = يا صرت مرتاح ومصلي
حمست بنٍ من النيبار = تجلى الهواجيس وتسلي
شقره ومذعورةٍ ببهار = شف النشامى وشفٍ لي
لا طبت اشفي راعي الكار = يضحك احجاجه وينفلي
ولاصار في جنبها بيطار = يفرح لياجيت ويهلي
والا الدهر بالعرب مرار =ياخذ من الناس ويخلي
فقير والا من التـجـار = العمــر ملحوق ومـولي
للقهوة في الضحى حيث قال احدهم ,,
فنجال الغشمري يشرح البال
وقت الضحى لا قربت حومه الطير
ومنهم من يحبها قبل الفجر تالي الليل كما قال احدهم ,,
ياما حلى فنجال بيض بغاديد
قبل صلاة الصبح والوقت ما فات
ومع العشاق القهوة ,,
يامحلا الفنجال مع سيحة البال
في مجلساً مافيه نفساً ثقيلـه
هذا ولدعمً وهـذا ولـد خـال
وهذا رفيقـاً مالقينـا مثيلـه
يابو محمد شب واقضب مكاني
في غيبتي قهو الرجال المشاكيل
وفل الحجاج لكل من جاك عاني
وابدا التحيه قبل سوق الفناجيل
سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله
اشرب الفنجال واكب البيالـه
طيباً واحب سلـم الطيبينـي
الولد ان طاب طيبه من خواله
وان تردا فاعرف انهم خايبيني
ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبـه
وعليك تقليط الدلال النجابـي
يابجاد شب النـار وادن الدلالـي
واحمس لنا يابجاد ما يقعد الراس
يا شارب الكيف الحمر سو فنجال ….. ترا المراجل ساسها نية الخير
فنجال خطو الغشمري يشرح البال ….. وقت الضحى لا قربت حومة الطير
صبه على شيالة الحمل لو مال ….. زمل الصخاني ما تهاب المخاسير
ويقول دبيس بن مهلهل
وادلتي واقو صبره علينا ….. خمسين عام ما فهقتة عن النار
صبة على اللي لا ركب يتبعونة ….. لانفظواعقب العواني بالانكار
وعده على اللي دايم ينحرونه ….. اللي يشببهم لياجوه خطار
وعده على اللي لابته يمدحونة ….. فكاك تال القوم كان الدخن ثار
واقصر عن اللي ماتعدد فنونة ….. مهو على طرق المواجيب صبار
ويقول ابراهيم بن ربيعان
ياما حلى وان حاشك الليل وامسيت ….. والصبح قمت ليانت بارض بياحي
وصبيت من ما الشرب ثم توضيت ….. وذكرت منهو دايم الدوم صاحي
وشطرت نارك للمعاميل شبيت ….. والارض له يومين عليه رواحي
وحمست ما حاشن يدينك ودقيت ….. بنجر طلوع الشمس صوته صياحي
تطرب لصوت مونسك بالتصاويت ….. ياما حلى صوته بهاك النواحي
وسويت فنجال على شربة اشفيت ….. يغدي العماس ويودع الراس صاحي
قصيده للشاعر / عضيب بن شلاح الحربي … يذكر فيها مجالس القهوة ويصنف الرجال حسب رؤيته …يقول
ياما حلا عقب العشا شبة النــــــار
عقب الهجوع لا رقد كل كوبـــــــه
بقفرية ياعبيد يودع له اشعــــــــار
وسواة فنجال يشوق بصبوبـــــــه
حبه على المطلوب من بن وبهــار
يعجبك بالفنجال صبغه وروبـــــــه
كيف يجوز لشارب الكيف والكــــار
لو دوروا به غمزة مــــا لقوبـــــه
في مجلس فيه المشاكيل حضــــار
بغيبة ردي الحظ عنهم بنوبــــــــه
اللي يخزوون المسير بالانظـــــــار
تكاظموا واللي جليس شوشوبــــه
تلافتوا على بعضهم بالانظـــــــــار
وتغامزوا مابينهم وضحكوبــــــــه
الناس فيهم يافتى الجود هــــــــذار
مسترحل لبليس زين ركوبـــــــــــه
عراض غرة مسلم غافل غـــــــــار
يعرضه للناس لو ما حكوبـــــــــــه
دايم لغرات الاجاويد عقـــــــــــــــار
يظهرعيوب ولا درى عن عيوبــــه
وفيهم تبيني لايسرك ولاضـــــــــار
ماغير يحسب للربايع ضروبــــــــه
وفيهم حصيني قبوع قمــــــــــــار
يوصف على ماقيل به طير ذوبــــه
وفيهم بليهي على الكود صبـــــــار
يصبر ولو زادت عليه الصعوبـــــه
لا جا زمان فيه غلين الاسعـــــــــار
غدى لربعه بالمكاييل جلوبــــــــــه
وانا جا نهار الضيق بالموسم الحار
يرخص بعمره مايعد محسوبـــــــه
(قصيدة القاضي عن القهوهـ)
دنيت له مـن غالـي البـن مـا لاق
بالكف ناقيها عـن العـذف منسـوق
إحمس ثلاث يا نديمـي علـى سـاق
ريحه على جمر الغضى يفضح السوق
وإيـاك والنيـة وبالـك والأحـراق
وإحذر تصير بحمسة البـن مطفـوق
إلى إصفر لونه ثم بشـت بالأعـراق
أصفر كما الياقوت يطرب لها المـوق
وعطت بريـح فاخـر فاضـح فـاق
ريحه كما العنبر بالأنفـاس منشـوق
دقـه بنجـر يسمعـه كـل مشتـاق
راع الهوى يطرب إلـى دق بخفـوق
لقِـم بدلـة مولـع كنـهـا ســاق
مصبوبـة مربوبـة تقـل غـرنـوق
خله تفوح وراعـي الكيـف يشتـاق
إلى طفح له جوهـر صـح لـه ذوق
أصفر قمـوره كالزمـرد بالأشعـاق
وكبارها الطافح كما صافـي المـوق
جلست خلف طاولتي فنجان قهوتي بيدي
امتع ناظريّ بزرقة السماء كمعتدي
و أباهي بما كتبت أنامل يدي
حب فيه الوجد و الشوق لأرتدي
من جنبات القلوب محبة و أغتدي
مراسم العشق في صفوف و أهتدي
لقلب صابه ما صابني
من ألف عام لم تكن قهوتي مرة كاليوم
لم أرتشفها بوجودك
لم أشرب من عينيك
من ألف عام
ما أوحش هذه الأيام
لم أغسل جرحا
وتعصف في قلبي الصحراء
يا لقلبي الضائع خلفك
من اين يجيء الصوت !!
الموت الموت
أخشى أن تأتي اللحظة وأنا عند الباب
وغريبة بين الأغراب
أخشى أن أسقط دون عزاء
وتبقى قهوتي سوداء
