فمان الله

فمان الله

فمـان الله ولاتبكي ياغلى من سكن قلبــي
نصيبي والقدر حاكم وانا مثلك ترى محكوم

.
.
دخيلك لا تبكيني مهو ذنبك ولاذنبـــي
ترى حظي بهالدنيا اعيش بدنيتـي مظلـوم

.
.
عشقتك والعشق بلوى وغيرك ماوطى دربـي
ومن حكم القدر كني صريعا في الحشى مسموم

.
.
ولاذقت الكرى لحظه ولازادي ولاشربـي
ودمعي ماوقف سيله وقلبي يالغلا مهمـوم

.
.
عقب عشقك ولابعشق ولا ابغى احد قربـي
فراقك حطم احلامي ومن عقبك ترى مصـدوم

.
.
ولاغيره برى عوقي ولاطبك ولاطبـي
واعيش العمر من عقبك مريضا في الهوء محمـوم

.
.
فراقك ماتوقعته وانا ببقى على حبي
ولين ارحل عن الدنيا تعيش بداخلي مرسوم

.
.
تذكرني ولاتنسى اذا هب الهواء غربـي

تذكر من غدى عقبك محبا فـ الهواء مرحـوم