شعر مضحك مصري 2019

شعر مضحك مصري

يلي فتحت البتاع فتحك عل مقفول
لأن أصل البتاع واصل عل موصول
فأي شيء في البتاع الناس تشوف على طول و الناس تموت في البتاع فيبقى من مسؤول؟
و ازاي حتفتح بتاع في وسط ناس بتقول بإن هذا البتاع باب الخراب بالطول
لأن حتة بتاع جاهل غبي مخبول أمر بفتح البتاع لأنه كان مسطول
و بعد فتح البتاع جابوا الهوا المنقول نكش عشوش البتاع و هد كل أصول و فات في
غيط البتاع قام سلل المحصول و خل لون البتاع أصفر حزين
و ساد قانون البتاع و لا علة و لا معلول فالقاضي تبع البتاع فالحق عالمقتول
و الجهل ساد في البتاع و لا مقري و لا منقول و الخوف سرح في البتاع خل الديابة تصول
يبقى البتاع في البتاع
والناس صايبها ذهول و الحد قال للبتاع يقولولوا مش معقول
و ناس تعيش في البتاع و ناس تموت بالفول
و ناس تنام عالبتاع و ناس تنام كشكول
آدي اللي جابه البتاع
جاب الخراب مشمول لأن حت البتاع مخلب لراس الغول
باع البتاع بالبتاع و عشان يعيش على طول
عين حرس بالبتاع و برضه مات مقتول
و ما يضحك أيضا من الشعر المصري :
كان كلب الست أم كلثوم هجم على واد مر جنب قصرها
في الزمالك من سنين و في حمى النيل القديم قصر من قصر اليمين ملك وحدة من الحريم
صوتها أكتر من الأذان يسمعوهالمسلمين و التتار و التركمان و الهنود و المنبوين
ست فاقت عن الرجال في المقام و الاحترام
صيت و شهرة و تل مال يعني في غاية التمام
أصله يعني هي كلمة ليها كلمة في الحكومة
بس ربك لاجل حكمة قام حرمها من الأمومة
و الأمومة طبع ثابت جوا حوى من زمان
تعمليه الست جابت فوكس رومي و له ودان
فوكس دا عقبال أمانتك له دستة خدامين
يعني مش موجود في عيلتك شخص زيه يا اسماعين
و اسماعين ده يبقى واحد من الجماعة التعبانين
اللي داخوا في المعاهد و المدارس من سنين
حب يعمل واد فاكاكا و يمشي حبة في الزمالك
و الأيامة و الفتاكة يرموا طبعا عالمهالك
عمي سمعة من أيامته حب يعمل فيها فيلا
بعد ما بوظ بجامته اشترى حتة مجلة
قول مش بيعرف حكاية من حكايات الغرام
و اندماجه في القراية خلا مشيه مش تمام
عاليمين يحدف بعيد خطوتين و يروح شمال
لمحه فوكس من الحديد قال : دا صيد سهل و حلال
هوب نط فكرشه دغري جاب بجامته لحد ديلها
و اسماعين بدل ما يجري قال: يا رجلي رجلي مالها
بص شاف الدم سايح من ععاليها و من واطيها
و يلي جاي و يلي رايح المجلة مش لاقيها
حبة و اتلموا الضنايا اللي هما البوابين و الهكايا و الهوايا قالهم ده كلب مين
كلب مين ما كلب منش سمعة زود حبتين
قاله واحد فيهم امشي اللي جابك عنده مين؟
قال ده شارع يا مواشي للي راكب و اللي ماشي
كلبة من ده و كلمة من ده زاطوا و ترسمت فضيحة و النهايته و القصد من ده اسماعيل أكل الطريحة
راحوا قسم الشرطة طبعا و ترموا في الحجز طبعا لان ما ييجي الدور معاه
تفتكر يفضل سي سمعة قد إيه في الغسم نايم
استضافه الحجز جمعة يا بلاش آدي العزايم
هيص يا كلب الست هيص لك مقامك في البوليس بكرة تتولف وزارة للكلاب ياخدوكرئيس