شعر عن السعودية , أجمل ابيات شعر عن السعودية , عاشت عاشت بلادي

عاشت عاشت بلادي
يحقلي افخر بك يا اغلى الاوطان
نورك عم الدنيا من جيتي من زمان
قبلة امتنا انتي يا عزه للانسان
من لامني في حبك يا بلادي غلطان
حره ابيه يا السعودية
الله معانا يحرس خطانا
حره ابيه يالسعودية
..عاشت عاشت بلادي ..
حره ابيه يالسعودية
غالية رايتنا عالية هامتنا
..عاشت عاشت بلادي ..

يحفظك رب كريم من صودايف عسيره
يا منار الحق للي ضاعت حقوقه لقاها
دام ابو متعب يقودك سيري دروبك يسيره
والمواطن في يمينه خط ما نبغى سواها
ايه احبك يا بلادي دون شك ودون حيره
كل عرق لا نشدته قال ينبض من غلاها
يا فديتك بالمشاعر والا روحي لك ذخيره
ما تردينا من اول كيف لاجت في سواها

شعب ودستور وأمه ترتوي من فيض خيره
لا عدمنا من حكمنا ولا نسينا من بناها
من شمالك لي جنوبك كل شبر فيه غيره
حاسدك ربي يعينه مادرى انه ما نساها
يحتمي بك رغم غيضه اه ياشين البصيره
وين ماترحل عيونه يرجع ويذكر سماها

انت الاول اللي سل الحسام
وقالوا الخيل من فرسانها
الفخر لك ولا تسمع كلام
لا يهمك حكي عدوانها
ديرتك من عشقها ما يلام
ويغضب الله على من خانها

لاح يوم الوطن والعز لاح وكلمة الله على البيرق تلوح
يوم الاسلام يا يوم الفلاح والوطن كل روح له تروح
الأرض
انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي
سعودي وافتخر بارضي ولا ني بالفخر مغرور

الى من قيل لي وش ديرتك قلـت السعوديّـه

رفيع الراس بافعالٍ حقيقه ما تعـرف الـزور

تسطرها تواريـخ الفخـر صفحـات ورديّـه

كتبنا المجد بعد المجد سنينٍ ماضيه ودهـور

على صدر الزمن مكتوبـةٍ بحـروف ماسيّـه

لنا الماضي لنا الحاضر لنا مستقبلٍ من نـور

لنا التأثير فـي الدنيـا ببصمـاتٍ حضاريـه

من الإسلام منبعها فمنهاجـه لنـا دستـور

على درب الموحّد صـادق الأفعـال والنيّـه

ابو تركي سليل المجد نور الكون في الديجور
ومن بعده رجـال ارواحهـم للـدار مرهيّـه

توحدنا بعد كنـا ضحيـة جهلنـا والجـور

وصرنـا كلنـا اخـوه نعيـش بكـل حبيّـه