خاطرة رحيل , خاطرة هجر , خاطرة وداع
مكتوب بحبر من دمعي الأحمر.
و دخلِك من عيونك ما تزِتّي سهام
ترُدّ عليها مش عم لاقيلها مصدر
و أنا خايف عليكِ من ريشة رسّام
تجهل أسرار عيونك و تشوّه المنظر.
و خايف إبني بحبك أوهام
تكون لسيطرة قلبك عليّي معبر.
و خايف إعقد معاكِ هدنة و سلام
و على غفلة منّي يجتاحني عسكر.
يزرع رموشك بقلبي أعلام
و تعتلي عيونك بقلبي منبر.
و يتحول صوتك بقلبي لأنغام
وضعها الرب لأجلك بمخمر.
إشربها أنا تطفّي نار الألام
و من رقّتها و جمالها.ميل و أُسكر