ترفق 000
ترفق
ترفق سامحك ربي على قلبٍ لك أهديتــه
على طاري فجر الورد وإسمك والحلا والذوق
ذكرتك يا اجمل أحلامي بقافي واستهليته
على درب القصيد أسوق قلبي والخطاوي شوق
وإذا مالت بي الخطوة على دربك تناسيته
يهز الشوق بأعماقي عناقيد الغرام عذوق
ويقطف بالغلا فيني غرامٍ خنت وأخفيته
أحبك كثر ما يوقد غرامك في حشاي حروق
وشبٌه زود لو يحرق ضلوعي مت مطفيته
أحبك دمعةٍ طاحت على خد الغداة اشروق
يلقى حتفه النور لو طاحت على كفي وضميته
أحبك إيه أحب إسمك وأموت بجيدك المنتوق
تخيل كثر ما أكره صدودك قمت حبيتــه
تموت من البطا غيمه طعنها من جفاك بروق
غشى روض الحشا وسمي جفافك وإنت ما ارويته
تعال إجرح على كيفك تربع واستحل أوردة
تدلل والبساط أحمد وأنا لرضاك مديتـــه
قم إسهج لآخر ضلوعي تغلغل داخلي برفوق
حلالك ما بقى مني مع اللي لجلك أفنيتــه
من اللي من غديت أجمل قصيدة ما يوم غد له ذوق
ومن اللي يكتب باسمك قصيده وانكسر بيتــه
وربي من كتبت إسمك وبروزته بقلبي فوق
وأنا ما دار في بالي قصيدٍ ما تحاليتــه
دخيل الدمعتين اللي غدت منها الخدود شروخ
ترفق سامحك ربي على قلبٍ لك أهديتــه
إذا لك حق في قلبي فأنا لي في غلاك حقوق
حقوق الشوق محفوظة وحدّي ما تعديتــه
يذكرني صبيحة الورد وإسمك والحلا والذوق
وأردد يا أجمل أحلامي بقافي يوم هليتـــــه