أنت عنوان القصيد ……
أنت عنوان القصيد ……
ايه جيتك …وتوه زان وقت القصيد
كل ما اكتب قصيدة … صرت عنوانها
رتب افكارمجنونك على ماتريد
أنت عقل القوافي… وانت ميزانها
خذ خواطر خفوق عنك ابد ماتحيد
أنت وحدك هدفها … وأنت ميدانها
لك مشاعر مع الأيام دايم تزيد
كل ما قلت هدت …. ثار بركانها
ولاتشره علي ان صرت عنك بعيد
المواثيق تبقى … عند من صانها
المواثيق تكتبها بدم الوريد
وتتلذذ مع الايام …. بأشجانها
قم تدلل ..تراني ماخبرتك عنيد
يوم ساعة لقانا … غاب شيطانها
وافرحي ياعيوني خلي الليل عيد
خلي اللي مضى انسيه … من شانه
وان كتبتك قصيدة وان حفظتك قصيد
لايهمك ما دامك انت ….. عنوانها