قصائد شعر رومانسية
اليكم أجمل الأبيات التي تفيض رومانسية باللهجة الخليجية :
أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ
ما قلت لي وش بلا العهد منك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ
انتي الذوق وانتي الحسن وانتي الزين بألوانه
جيتك شايلٍ ورده حمرا عطرها موزون
وبس عرفت لمن بتروح ذبلة حيــل خجلانه
الا سبحان هالخالق امره بين كاف ونون
وهبك الحسن ويا الذوق وصرتي اول اركانه
كواكب هالسما بالليل لي من تظهري يسرون
ولو تمشين في وادي توقف ذل غدرانه
صدقيني يـا حـيـاتـي مـا تــمـــنـيــت إلا انــتـي
وإن عمري في حياتي ماوصلت لعشق غيرك
صدقيني لــو بــــيـدي امـلـكـك طــول الـحـيــاة
عـمر قـلبي يـوم حـبك ما نـوى في يوم هجرك
صدقيني وزن الدنيا بكف وانتي ياعمري بكف
كفـك الغـالب ياعـمري وتـرخص الدنـيا لغلاك
صدقيني انتي هـمي انـتي عمري انتي روحي
ينـجـرح قـلـبي وقـلـبـك مابي مـنـه إلا رضــاك
صدقيني مهما أوصف لك مدى حبي وإعجابي
مـا أوصــل معـنى حـبـك لأن روحـي في رؤاك
و من القصائد الرومانسية الاخرى :
ابي اكتب قصيدة حب ابي تفهم معانيها
ابيك بين هالعالم تفاخر يوم تقراها
ابيك لحروفها تطرب ابي غيرك يغنيها
ابي لامن سالك انسان من اللي فيك قايلها
تقول الي سكن قلبي وروحه لي مهديها
. . . . . . .
لاتحسب بغيبتي عنك صدّه
“هذاقدرنا ” ماجمع شمل الأحباب”
حتى ولوغبت”ولوغبت مدّه
عن خاطري طيفك وطاريك ماغاب
روحي عطتك” وبالعطا مستعدّه”
حنانها كله بلا من وحساب”
امسك معي حبل المودة بشدّه”
وقل لمن
قال “التها عنك” كذاب
. . . . . . . .
خذني على ميعاد اللقاء عشاق
نحيا بضم الشوق وندفي اشفاهنا
نصير مع اصحاب الفرح بعناق
ونحجز كل يوم ميعاد اشواقنا
. . . . . . . . .
تعبت أكتم قهر حبي وأعاند كل حسادي
ولا ودي أحد يدري حياتي وش جرى فيها
أنا في يوم حبيتك أحسه يوم ميلادي
قصايد قلتها لجلك كتبتك في قوافيها
وإذا مات الأمل فيني يظل الشوق بفؤادي
وتبقى لي حروف اسمك قصيده دوم أغنيها..
