((لا صار خلك مستحق))

((لا صار خلك مستحق))

لاصار خلك مستحك المسبه

سبه ترى العشاق غيرك يسبون
**

لابوه لابو الحب من قلب سبه

لابو الغرام اللي يحدك على الهون
**

يالعن ابو قلب غشيم يحبه

ملعون والقلب اللي يغليه ملعون
**

اقول من هاباك ياخبل هبه

الدون مايسلك معاهم سوى الدون
**

عز الجفا ولا هوان المحبه

ماخوذ من يصبر على الذل مغبون
**

اظهر قواة الباْس والضعف خبه

ترى الضعيف ضعيف لا طعم لا لون
**

الراس ماحد يقطعه غير ربه

اقول عز النفس ماقول لك هون
**

خله يولي لا يذلك بحبه

ابعد وتلقاهم على البعد ياتون
**

ياجاهل افهم خذ من العلم لبه

اصبر وتنسى والعذاري بينسون
**

الرجل عقله دايم قبل قلبه

ماهو عمى بالقلب ومفتح عيون
**

لاقدمو حبه تقدمت حبه

وان وخرو وخرت والعز مضمون
**

ترى غلا هالوقت هبه وهبه

اغنم هبوب الوقت لايقلب سكون
**

لا ساعدك حضك تغانم مهبه

لاترتهي يجيك يوم ويصدون
**

قبل يدبك نام الارداف دبه

ترى حلاة الرجل طاعن ومطعون
**

كم عاشق خلوه من غير سبه

يصفق بكفه كف مايدري وشلون
**

ماله جدى ياكود دمعه يكبه

عليه سيف الهجر والصد مسنون
**

لاكن تبع قلبه وقلبه لعب به

واليوم يبغى العون ماحصل العون
**

والا ضعيف النفس دايم مسبه

ودك مساكين البشر مايحبون
**

لكم اطيب تحيه