يا حب , قصيده عن الحب , هو كان القلب فين
هو كان القلب فين ؟ نبض إيه اللي حرقنا وكوانا من حديد
يعني إيه تحب جديد !!
واللي فات ده كان إيه ؟ لعب فوق سحاب عيونك …ترسميه ويذيد
يعني إيه تحبى جديد !!
يعني لما كنا فوق سطح بيتنا يشهدوا علينا الجيران والغناوي والصحاب
يشهد علينا القمر ويا السحاب .. والنبض يجري بيني وبينك تقولي جديد
يعني إيه تحبى جديد !؟
هو كان ناقصك الخيانه في سوق العبيد ؟ ناقص تقولي إنِى كنت لعبة تسالي
أو نهار فوق الجبين أو ليل جميل مر عليكي وبشمس طلعت كان بعيد
يعني إيه تحبى جديد !!؟
هو فين اللي حبك وقت دمعك وقت فرحك يملا كل الدنيا عيد
هو فين اللي سهر جنب سريرك يدعي رب المولى يغفر من الخطايا
هو فين اللي بيبعد شيطان رجيم ؟ فين هو قولي اللي كسر ألف سور
فين اللي حارب وكسب معارك فين اللي حبك وسط الغيلان وكان أسد
فين اللي يقدر يبعدك من أرض فيها ألف سور بنيتها ليكي تحميكى من الفساد
يعني إيه تحبى جديد !
مين اللي فاهم أمتي تاكلي وتشربي ؟
ومين اللي واعي لارض همك مين يشيل عنك دموعك
مين اللي يقدر يتحملك وقت عصيانك وحزنك مين اللي يقدر يحضنك
مين اللي يقدر يفهمك
يعني إيه تحبى جديد!؟
روحي لارضه وجربي وإياكي يوم تستغربي أو ترجعي وتلاقي غيرك جوه حضني وتغضبي …
روحي وقوليله بحر كان هو الامان أيام زمان دلوقت هو مالوش مكان
ممكن كمان تقولي بحر كان غزال دلوقت أصبح أسد .. وكمان عمره بيوم ماهينكسر
ويوم ماترجعي…و تندمي
هتلاقي بنت من خيال تدخل بحضني زيك أنتي أيام زمان
يعني إيه تحبى جديد
هو الخطأ إني رميت من فوق سطوحك كل الهموم ونزلت جري غيرتها ؟
وفوق عيونك كان الفرح من جوا قلبي بديهولك
يعني إيه تحبى جديد
لما أكون وسط صحابي أو جيراني وأجي جري أصبحك وأهديكي ورده من ضلوعي تفرحك
لما أكون وسط المطر بدفي قلبك من البروده وأطمنك
أو حتي شمس تحررك وأجي أغطي كل جسمك من حراره تجننك
وأموت وأصحي ألف مره وأقول وماله دي حبيبتي …..ونور عيوني يغزلك فستان حرير ويلبسك
وأحميكي من كل العيون ولما يجيي شاب ماشي في مدينتي يبصلك أقلع له عينه وأسبلك
وتزعلي وتفرحي من غيرتي وأرجع لحضني أطمنك
دلوقت بس عرفت ليه حب جديد !!!
أكيد علشان كنت أنا مغفل كبير ويمكن كمان علشان أنا كنت حنين بيكي سعيد
أو حتي يمكن كنت فوق نجمه بغزلك حلم من بعيد
محتاجه أنتي تنزلي بين التراب وتشبعي احضان غريب
طب أسمعي … عمر ماكان أنسان سعيد بين البوار أو حتي بين شق السراب
عمر ماكان أنسان بيحلم من القمر ينزل قوام قبل الصباح مايجيي فيه شمس النهار
والنجمه فوق مبسوطه بينا بتندهك وترجعك لكن خلاص روحي لارضك وأشبعي
وأفتكري قبل ما تغرقي إني لاخر الكلام كنت بحاول أرجعك لكن خلاص روحي أغرقي
حب جديد زي القلوب متقلبه
حبي جديد وأفرحي وشوفي هو ولا أنا
وليدة اللحظه
بحرولكن