تعالي نلتزم بالصمت , خاطره رومانسيه
تعالي نلتزم وناقف لو دقيقه حـــــــداد
نحيي للهوى ذكـــــــــرى وقصة عاشقين اثنين
وحب تاهت آماله ع درب ما يودي بــــــــــــلاد
وقلبين العنا تشكي من جـــــــــروح بلا سكين
أمانه تذكري هالوقت ويبقى بيننا ميعــــــــاد
نعزي قلـــــــوب فرحتها ما تت من ثلاث سنين
تعالي نخالف العالم ونعلن للحزن ميــــــــــــلاد
ونطفي شمعة كل عام وحنا يالغــــــــلا بعيدين
ترا اللي راح من عمري وعمرك ما بعد ينعــــاد
أصبح كل شي ماضي وأنا وانتي عيال الحين
غـــــلاك الأول بقلبي ترا كل ماله ويــــــــــزداد
ويوم ينقص افــــــــعمري يزيد امحبتك ضعفين
أندري محال نتلاقى وصرنا ع الوضــــع نعتاد
ومهما حبنا يكبر أنـــــــــدري مستحيل اتجين
مــــــدري تردك ظـــــــروفك أو هو كبر وعناد
أو هي ســــاعة اللقيا بعد ما حانت إيلا الحين
كثير الأسئله فيني لكن يالغــــــــــلا وشعــــاد
مدام الأجــــــــــوبه عيت وش بك تنزفي ياعين
يكفي نلتزم بالصمت وناقف لو دقيقه حــــــداد
ونحيي للهوى ذكــــــرى وقصة عاشقين أثنين
