خدى بالك جوزك بياخد باله من إيه
محتويات المقال
الرجالة دول مش بيفوتوا حاجة. بياخذوا بالهم من أدق التفاصيل و من حاجات مش بتيجي على بالكم. بس المشكلة إن هما ساكتين ومعبييين .
خدى بالك جوزك بياخد باله من إيه
خدى بالك جوزك بياخد باله من إيه
أولا الشعر :
- الراجل بياخذ باله من شعر مراته. يعني لو أطرافه متقصفة أو فيه ألوان كثيرة أو قصته مش حلوة. فيه قشرة أو ريحته مش تمام . بياخذ باله جداً من الحتة دي و ممكن اوى ما يبينش.بس دي حاجة بتدايقه و ممكن تبعده عنك
الراجل بينفر من الست اللي بتحط ميك آب تقيل. بيفضلوا الطبيعي و مالهمش في الميك آب اللي بيخفي الملامح ده.
نظافة الزوجة :
- الراجل بيدور على نظافة الزوجة في ملابسها و ريحتها و كمان في بيتها و أهم سبب في هروب الزوج من البيت هو عدم راحته في بيته.
نظافة البيت :
- هتيجي منين الراحة و هو شايف البيت متكركب و فيه ريحة الاكل و مراته برده فيها ريحة أكل؟ بدل قعدتك ع النت روقي بيتك و بخريه و دش ع السريع قبل ما يجي من الشغل يلاقيكي فلة شمعة منورة
إسلوبك في الكلام :
جوزك بياخذ باله كويس اوى من كلامك و نبرة صوتك. وبيفتخر اوى بيك لو كلامك موزون و اسلوبك راقي.بيلاحظ ازاي بتنقي كل كلمة و ازاي بتتعاملي مع الناس .
أنوثتك :
مشية الست. في ستات بتمشي و هي بتجر رجليها و كانها بتزحف. و في ستات بتسترجل في مشيتها. ليه كده بس؟طالما انتي ف بيتك و مع جوزك خلي مشيتك مليانة انوثة خصوصا انك اول ما تقومي عنيه بتبقى وراك و ياتعرفي تثبتي نظره عليك يا يقول استغفر الله ايه العسكري اللي عندي في البيت ده. يا ايه الصاروخ الارض جو ده
الأسنان
- تلاقي عينه و انتي بتتكلموا مركزة اوى على شفايفك اوعي تفهميه غلط او افهميه غلط عادى جوزك يعني الراجل بياخذ باله من نظافة أسنان مراته و من ريحة نفسها . يعني تغسلي أسنانك 3 مرات في اليوم بمعجون مبيض و ما تتكلميش و انتي بتاكلي بلاش تفضحينا
الايدين و الرجلين
- الرجالة مش بتحب تشوف تشققات رجلين الست و بتحب اوى الست اللي ايديها ناعمة و ظوافرها نظيفة. بيكرهوا جدا الظوافر الطويلة و المانيكير اللي بيتقشر. اهتمي بإيديك و رجليك و رطبيهم دايما.
