تم ايقاف تسجيل الخروج , Been suspended logoff

تم ايقاف تسجيل الخروج

تسجيل دخول

سجلت في قلبي دخولك على طول
….. وغنت جروح القلب فيكم نشيده

كلمة المرور
وكلمة مرورك جابها منك مرسول
…. وبدلتها وارسلت كلمه جديده

ملف
واصبح ملفك داخل القلب معزول
… وحفظت به من دم قلبي قصيده

تحرير

وسويت لك تحرير عن كل مجهول
… متوسط ٍ بين الخفوق وّريده

عرض
وقدمت لك عرض ٍ من القلب منقول
… لأجل أثبت انك بالضماير وحيده

المفضله

وبمفضلة قلبي عن الغير محمول
… ما اضفت غيرك ياللي اخلاقك فريده

الخلف .. الامام

وللخلف لو ترجع ترى الخلف مقفول
… رح للأمام وفك صفحه جديده

عنوان
واكتب على العنوان للغير مشغول
…. حنّا سكنّا وارسلي في بريده

تسجيل الخروج

وأن كان ودك تترك القلب مشغول
… سجل خروج وشب فيني وقيده

ايقاف
وان شفتني هالك على الدرب لا حول
… أضغط على ايقاف وأقرا القصيده

تحديث
وأضغط على تحديث وتشوف مدلول
… وكل الكلام اللي قريته تعيده.

منقول للامانة