كلمات عن الغيرة , كلام عن الغيرة
البارحه هاجت عليّ التفاكير
ليلى قضيتها بين هوجاس وافكار
ولا لقيت لما وطا النفس تفسير
وأصحبت كني راعي النار والغار
حزنٍ بقلبي كسّر القلب تكسير
لولا ضلوعي تردع القلب قد طار
وعلى الذي له داخلالقلب تقدير
الصاحب اللي بيني وبينه اسرار
دار الزمان وصار بالعهد تغيير
مدري غدر بي مدري الوقت غدار
قبل الموادع قلت تذكرني بخير
ابعد وانا ابعد وافرض الحب ما صار
حنا نوينا وعاكستنا المقادير
وهلّت دموعه يوم فكّر بالاقدار
قلت النهايه جعل دربك مسافير
حاول تناسا اللي مضا وصير صبار
قال الله اقوى ما طلبته بيصير
غصبٍ عليه قال ما كنت مختار
ياللي جرحت القلب ليه المعاذير
جرحتني ولا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
