… وتقول أشتاق !!

تقول أشتاق ..

وهي راحت ..

وثارت خلفها الأشواق

..وتقول اشتاق
/
\
/
تقول أشتاق ..

وهي شالت ..

معاها الورد والأوراق

وخلتني بعد راحت ..

دموع .. ملت الأحداق

حكايه .. مالها عشاق

مواني للسهر دايم ..

شراع الهم له خفاق

..وتقول أشتاق
/
\
/
تحسب إن الهوى لعبة ..

فلحظة شوق تبغاها

تلاطفها ..تداعبها

تداويها .. بلاماها

فلحظة عنف ترميها ..

تتركها .. وتنساها

تنساها بلاميعاد ..

بلامكتوب ..

ولا عنوان ..

ولاحتى بأمل كاذب ..

يعيد الروح للإنسان

يخفف .. طعنة الآلام ..

يخفف .. وحشة الأحلام ..

يخفف .. لوعة الفرقا ..

ومتاهات تبي ترقا ..

لاعلى هامة الانسان

يخفف في زمان الصمت

على النظره ..

على العبره ..

على ساحات منكسره ..

بأماني فسكة الأوهام

..وتقول أشتاق
/
\
/
صغيرة حيل ياقلبي ..

تراها ماتعرف الحب

صغيرة حيل وتلعبي ..

تحسب إن الهوى فيه لعب

صغير حيل سامحها ..

تراها ماتعرف الكذب

صغيرة ودها تاخذ ..

دروس من الهوى فيني

صغيره ودها تعمل ..

تجاربها فشراييني

وآهاتي ..

وأحزاني ..

وكل شيء بقى فيني

تريد أكون ياقلبي ..

لها ظل (ن) وهي شمسي

تريد أكون ياقلبي ..

أناديها وأنا فهمسي

تريد تكون ياقلبي ..

فدنيا حاضري وأمسي

وبعد هذا وكل هذا

تريد تكون هي رسمي

فكلماتي ..

ونظراتي ..

وكل مادار فاشعاري

خلاصة كل ماقلته

تريد تكون هي داري

…وتقول أشتاق
/
\
/
بلاش أرجوك ياقلبي ..

ندور للهجر أسباب

خلاص أرجوك ياقلبي ..

نسامحها .. بلاش عتاب

صحيح إني وطن غربه ..

ولكن الهوى غلاب

… وتقول أشتاق
/
\
/
تراي أقول ياقلبي

غصب عنا نسامحها ..

نسايسها ..ندللها

ونصبر علي جاء منها

تراها ..غيرت عمري

تراها .. أشعلت فكري

تراها ..شالت أيامي ..

وخلتني أعيش أحلام

أعيش أحلام لكني ..

أعيش بواقع الأيام

وخلت دنيتي معها ..

قصيدة دوم أرددها

قصيد ماأحد قبلي ..

ولاحتى يناشدها

بعد ماكانت أيامي ..

عذاب وهم ..

مع الحرمان

بعد ماكنت أيامي ..

سفينة مالها شطان

بعد ماكنت في صحرا ..

خذتني لواحة الأزهار

بعد ماني بلا قمرا ..

خذتني لساحة الأقمار

عرفت إن الزهر فواح ..

عرفت إن الهوى جراح ..

عرفت إني قبل ماجت ..

وحيد فغابة الأشباح ..

غريب فوحشة الأتراح ..

يطاردله وهم كذاب ..

يطارله بقايا أرواح

خلاص أرجوك ياقلبي ..

كفانا من الجفا ماراح

تعال أرجوك ياقلبي ..

نصدقها على الأشواق

نصدقها إذا قالت ..

ترى قلبي عذابه فاق

نصدقها إذا كذبت ..

وقالتلك ..

تراي أشتاق

نصدقها إذا كذبت ..

وقالتلك ..

تراي أشتاق .