كلمات عن الدنيا , كلام عن الدنيا
علامك بس يادنيا حكمت الناس بالمقلوب
رفعتي هامت الاشرار وفضلت الحراميه
يا دنيا صاحبك واحد يجيد المكر والملعوب
عدوك في البشر مؤمن سليم وطيب النيه
بشرعك يصبح الخاين مقرب للأسف مطلوب
تدرج في اختلاس المال بلا رأفه وحنيه
وكل الناس مالت له واصبح بينهم محبوب
لأنه صار اغنى الناس في فتره قياسيه
وصاحب دين وامانه بهذا الوقت مو مرغوب
يعيش بهالزمن منبوذ بلا قيمه واهميه
تحول كل شي ضده على شوك الزمن مسحوب
وفقر وهم يتبع هم ولا حاجات مقضيه
يعيش بمجتمع فردي ولاهوْ بينهم محسوب
يغرد داخل احزانه … بحزن اوتار صوتيه
تصبّر يا صديقي ارجوك دام ان الزمن منكوب
حياة الناس في الــــــدنيا محدوده ووقتيه
خدعك الوقت يالغالي ودنيا كلها ملعوب
وعند الله تلقى العدل وكل الناس مجزيه
