كلمات شعر قوية

الشعر

يعتبر الشعر طريقة للتعبير عمّا تحتويه أنفسنا من مشاعر، قد تكون مضاعر فخر، أو مدح، أو ذم، أو هجاء، كما قد تكون مرتبطة بالحب وقوّة العاطفة.

كلمات شعر قوية

من القصائد التي ضمّت معانٍ قويّة، اخترنا لكم ما يأتي:

الله يجازي من يسوي سواتك

محمد بن فطيس
الله يجازي من يسوي سواتك

وبذنوب من سوى سواتك يجازيك

مشيت درب الثقل وتحب ذاتك

ما تدري أنه للمهالك يودّيك
غرّك جمالك يا خسارة حلاتك

ما تدري إن ما غير طبعك يحليك
بتقول زينك يشفع لسياتك

الحسن ماهو عن وفا الحب يعفيك
لو التواضع والوفا من سماتك

بعت الحبايب كلهم دين وأشريك
لكن عجزت أغيرك يا جراتك

على الغياب اللي بلا عذر ينجيك
خطاي في توضيح وشي غلاتك

وخطاك في توضيح وشو تغليك
وشلون توصيني وتنسا وصاتك

وتصد عن صوتن تقطع يناديك
ما فاتك التجريح والعذر فاتك

وتبغي الراي الحين ما عاد يمديك
صحيح أحبك بس هاذي جزاتك

بعلمك درس يفيدك ويحييك
تدري وش أبيض من خفوقك عباتك

وتدري وش اللي غرني نظرتي فيك
أدري بتستغرب تصبر وجاتك

قصيدة من واحد كان يبغيك
وتبغي تناظر وإنت عايش مماتك

شف وحدتك والناس تجلس حواليك
وتبغي تشوف أشجع رجل في حياتك

شفني وأنا راحل على كثر ما غليك

ليه تطعني

حامد زيد
ليه تطعني وأنا ميت بليا

ما كفاك إلي حصلّي قبل ساعة
كن بين همومي وبينك حميّا

جيتكم واحد وجيتوني جماعة
أنت منا والمصايب من هنيا

كلكم ضدي ترى ماهي شجاعة
ما أبشع من جروح طعنات القفيا

غير سكينٍ تصيب به البشاعه
لا تتوب ولا تذوب ولا تريا

جرحها جرح وفظاعتها فظاعة
ترتوي من فيض دمي والتفيا

وصار قلبي مثل أخوها بالرضاعة
وأنت ليل لو ضويته ما يضيّا

ضعت فيه وشفت نفسي في ضياعة
أتهيا وين ما أشوفه تهيا

وارسي بمرساه وشراعي شراعه
من عرفته والمحيا بالمحيا

وما يروح إلا ذراعي في ذراعه
إن رضيت أرضيه وإن عييت عيا

وإن طلبني قلت له سمع وطاعه
ما عشقت من النجوم إلّا (الثريا)

وماملكت من الكنوز إلّا القناعة
وأنت وجيوش الموادع والجفيا

كيف أوقف ضدكم وأنتم جماعة
لو بجيكم بالشجاعة والحميا

البلا ان الكثره تغلب الشجاعة

يا لي زعلت

طلال السعيد
يا لي زعلت أزعل ولا إني مراضيك

اشرب كثر ماء البحر إن كانه أرضاك
لا تحسبني عقب صدك بداريك

بعز نفسي عنك مدراك مدراك
أربع سنينٍ وأنا متحمل تغلّيك

الله راضي عني بتعذيبك لجل قلبٍ أغلاك
وخليتني واليوم والله لأخليك

وأدوس قلبي لينه يقول خلاك
قبل توريني الحساير بوريك

ليمن قالو فلان هانك ووراك
كأنك تحداني فأنا أقبل تحديك

وأنسى الغرام إللي مضى وأتحداك
ماني بقايل لك عسى الله يهنيك

الله يحرمك كل ما كان هناك