قصيدة رومانسية روعة , Romantic poem
كبل سنين جيتك جنت اتانيهه
انا ماصدكت تنطبك عيني شلون
ارد افتح جفنهه وكوه اصحيهه
غض عيونك و شردني خل ارتاح
وانه عيوني عنك راح الهيهه
واحلفلي شبه حتى اقتنع غلطان
كفارة اليحلف تالي ينطيهه
وبعد لاتلتفت للموتى اليمرون ؟
اذا لاكتك روح بدون راعيهه
من اكلك رايح ابرد حتى اظل زعلان
احزن بس حسرتك عني تخفيه
ولاتقره شعريمي ولو لحظات
سمعني سوالف وزن مابيهه
رد لذكرياتي وسد عليك الباب
والاسوار البطولك راح اعليهه
ادمن علنفس بس مره اذا جريت
نفسي ومن هوه اسمك ريتي امليهه
طفيتك جمر كوه بطلاع الروح
من الدخان سوده الدمعه الابجيهه
حبني لوحدك كون انه مو وياك
وادوار الضحيه لغيري خليهه
خضت التجربه وضكت االخساره شلون
مره شما خطتهه وردت احليهه
بالقدره كدرت انسه سهل ذ!
احذرمن صورك خاف احاجيهه
انه مثل الخرز عندي الجروح انواع
كل واحد بحاله وميزه يحويهه
حمل بس الثكل مرات هم مطلوب
اليطير الكواغد خفت البيهه
حبني براحتك جنك تزور كبور
مااملك دموع كبالك ابجيهه
تدري من الغصن كل الطيوراتطير
اذا بس مره وحده الجيله تخطيهه
حبني بلاسبب وبدون كل غايات
هيج بلامقابل لله سويهه
موكل الزرع مسموح الك تحويه
أي فلاح اساله الورده يحويهه
يالبروحك قفص ضجة بلابل بي
انه روحي العناكب عشعشة بيهه
اريد ادخل كلب ماالكه بي تمثال
واسال علحضاره ويمته بانيهه
ماريد اليضحي بروحه بس احتاج
نص التضحيات الجنت اضحيهه
