قصيدة الحب ، كلمات الحب ، شيله الحب ، شعر الحب
يا هيه من نظرات عيونك حس القلب ذاب
لا لا تمد كفك أخاف كفك من حـره يذوب
ترى الحب الصـافي راعيه ماهوب لعـاب
وصـافي النية هيهـات يكـون عليك كذوب
توك صغير وأناالرأس مني يالغرو شـاب
لا تغرك المفاتن وتقـول هذا غاية المطـلوب
نعم أهـوى لكن أخشى عليك من المطـاب
معي ثلاث جنب طريقي يا أحلى رعبوب
وفارق السن اجعله من دواعي الأسـباب
لاتضيع وقتي وقتك ترى الوقت محسوب
أناشدك الله لاتكشف عن وجهك الحجاب
صادق في احاسيسك تعداك كل عذروب
الحب لمن سطى يجعل من الشيبة شباب
أماتخشى على نفسك من الانذال عيوب
ادري تحب وماهمك الانذال ومنه لك عاب
وأنا اقـدر أجيبك لي بطيب وإلا بحـروب
ما دمت صافي فانا صافي والشر غاب
والوعد معـك وأهلك بيكون بعـد الغــروب
قصة أولها خطـوبه ونهـايتها كتب لكتاب
ما دام الحب على شرع الله يا قلب ذوب
ذوب في هوى من ذوبك وعـدوكم للذهاب
يطول عمره مايلقاله في المخاليق محبوب
يا حياة الروح كل ماذكرتك أفتر الدولاب
وأظهـرت من قديمه ما يقـال عنه يا دوب
وتذكرت الشــعر الأسـود وذيك الأهـداب
والرمش على عيونن خرس عليها متعوب
تجلت قدرة الخالق مصور طب الاطبـاب
والخــشم سيف بينهن اسـتقام بأسـلوب
والخد منور كما قمر ليل تعداه السحاب
أو كما تريك في ليلة فرح تلقاه مـشبوب
آه من جمرتينن تسلب لب العاقل سلاب
ما لوم الجاهل لصاح منها عقله مسلوب
عنق الغزال تحته بســتان للعــين جـذاب
به لوميتينن تجعل القلب صوبهامجـذوب
دعكم عن الباقي سحر الهـوى به عذاب
غصن البان وشعاد لتهيأ يسحر القلوب
هذا الهوى اليا كسـر باب فتح له أبواب
باب يفـــتح النفـس وباب يشـق الجـيوب
وأختامها صــلوا على نبي رب الأرباب
نبينـا محمد اللي كلامــه دوم مــرغـوب
الشاعر/ حمد بن فهد المخالدة السبيعي
