قصيدة اعتذار للحبيب , Poem apology for couples

أعترف لك كان يكفي الاعتراف
واعتذر لك كان يكفيك العذر
في ليالي الشوق حسيت اختلاف
مرت الساعه على روحي شهر
افترشت الهم والضيقة لحاف
فاض بي بركان حبك وانفجر
لاتلوم اللي دخل قلبك وشاف
حب ماشافه بهالدنيا بشر

ياعمري الدنيا ماتسوى تنام وخاطرك زعلان..
ولا شي يستاهل يخلي قلبك يعاني..
*طلبتك كان لي خاطر تبعد عنك الأحزان..
فديت أعيونك الحلوة تيسم لو على شاني..
*حبيبي صارلي مدة أشوفك تايه وحيران..
وأنا لاشفتك حزين تزود أحزاني..
*أناأحبك ولاودي تعيش بدنيتك ندمان..
ترى الأيام محسوبة وتالي هالعمر فاني..
*تصدق بسمتك والله تفرح خاطري الولهان..
بطير من الفرح ياقلبي وأصير بعالم ثاني..
*والى من شفتك بضيقة أحس أني أنا الغلطان..
أعاتب نفسي بنفسي ولو ماكنت أنا الجاني..
*غلاتك بداخل أعروقي ولايوصل غلاك أنسان..
يمر الوقت ويثبت لك غلاتك أن الله أحياني..
*أضحي بعمري لعيونك تنام أنته وأنا سهران..
وأنادي جروحك لقلبي تجي واحد ورى الثاني

قلت العذر منك ياملاك الاحساس

مايكفيني صعب اشوف الزعل بعيونك

ارضيك لو الرضي يزعل كل الناس

ماعليك ماهمني كلام الناس لايهمونك

يكفيك روعة انك غالية مثل الالماس

كل الناس حولك يبغون يرضونك

الغلاء للغالي ثمن يرفع الراس

لو تزعل العالم كله بالرضي يجونك

اعتذر والعذر لاهل الطيب نوماس

اقبل اعتذاري ياجعل كل الاش يفدونك

صار الخطاء وشلون ما هو بيدي

لحظة غضب نفقد بها أعز انسان
عزيت نفسي كنت احسبه تحدي
ولا دريت انك بطيبك تحدان
صحيح انا يمكن تعديت حدي
واسرفت بالغلطات وكان الذي كان
وشلون ابنسى من خذا كل ودي
واقفى وخلاني على حد الاحزان
دمعي مكانه بعدكم فوق خدي
شفقان قربك ياهوى البال شفقان
صار الحزن مابين جزر ومدي
مرات ارده واكثر الوقت يقوان
ردي علي ارجوك يابنت ردي
لا تتركيني في متاهات الازمان
اول معي بالشوق واليوم ضدي
بديت بالمكسب وعودت خسران
امدلك قلبي واشيلة بيدي
يفداك قلب من سبايبك ينهان
دامك سحابه في سمايا تعدي
لا تبخلي بالماء وانا حيل عطشان