فوبيا النوم Hypnophobia :النوم بالنسبه له رحلة إلى مجهول 2019
فوبيا النوم شئ مش غريب بس هو ملوش علاقة بالقلق او الأرق، ومفيش حد ما بيحبش ينام أو نفسه ينام لأنه أساس لبقاء الحياة زيه زي الأكل والشرب والنفس، ولو مفيش نوم هيحصل شوية كركبه في الحياة بشكل عام زي إن مفيش تركيز ولا طاقة و مدايق دايما.
فوبيا النوم Hypnophobia :النوم بالنسبه رحلة 3dlat.net_12_17_0c27
وفيه ناس برضه بتعاني من شوية اضطرابات قلق ليها علاقة بالنوم، ومن ضمن الاضطرابات دي حالة بيسموها Somniphobia، وهي كلمة مشتقة من اللاتينية somnus ومعناها النوم وphobos هنا يعني الخوف؛ وبالتالي فإن Somniphobia هي الخوف من النوم أو ليها اسم تاني فوبيا أو رهاب النوم Hypnophobia، وهو الخوف من التعرض للتنويم، أي أن يكون الشخص في حالة شبيهة بالنوم، يعني نص نايم ونص صاحي أو نايم نص نص.
وبيرتبط الخوف من النوم بشكل أساسي بالخوف من المجهول، وغالبًا بيحس الشخص بالرعب المؤلم من ايه اللي ممكن يحصله لو خد غفوه ونام، علي أساس أنه مش هيقدر يتحكم في أي حاجه وهو نايم بيفقد السيطرة ، دا غير الناس اللي بتخاف من الكوابيس، واللي بيخافوا من أنهم ما يسمعوش عاليهم أو اللي بيحبوهم لو نادوا عليهم وهما نايمين، أو خايفين يناموا ما يصحوش يموتوا يعني.
أسباب فوبيا النوم:
بترتبط الفوبيا بمجموعة متنوعة من الفوبيات التانية زي الخوف من السير أثناء النوم والخوف من الكوابيس والخوف من الموت وقت النوم (Thanatophobia).
المشي وقت النوم هو من ضمن الأسباب النموذجية للخوف من النوم، غالبية اللي بيمشوا وهما نايمين مش بيعملوا حاجه خطيرة أو مضره ، بس هما خايفين انه يحصل حاجه هما شايفنها خطيرة.
اللي عندهم النوع دا من الفوبيا بيحسوا بالضعف الشديد وهما نايمين أو أنهم ممكن يتعرضوا للهجوم في أي لحظة، واللي بيخافوا يموتوا وهما نايمين برضه عندهم نفس الأحساس، وبالتالي بيكون عندهم نوع من التشويش ومش بيقدروا يسطروا علي نسهم بسبب حاله الذعر والخوف الشديد من النوم، واللي بيحس بالخوف بيعتقد ان الموت ما هو إلا نوم بس مطول شوية يعني مش هنصحي منه.
و فيه مغنية فرنسية مشهورة أديث بياف بتقول (Édith Piaf): أنا أخشى النوم؛ لأنه شكل من أشكال الموت”.
فيه كمان ناس بتتكلم وهي نايمة، والكلمات اللي بقولهوها بتكون مش مفهومه وملهاش علاقة ببعض مفيش سياق محدد للكلام ، دا لأنهم فيه حاجه مخبينها مش عايزين يقولوها في حياتهم العادية.
شلل النوم هو سبب تاني للناس اللي بتخاف من النوم وهو شئ وارد أنه يحصل، وساعات بيحصل أن الشخص يجي يصحي من النوم يحس بشلل عضلي في جسمه، ومع تكرار الوضع أكثر من مرة بيتولد عند الشخص حاله من الخوف أنه ينام تاني ويحصله شلل النوم لما يجي صحي تاني.
الناس اللي عندهم اضطرابات القلق غالبًا بيلاقوا صعوبة في النوم، ولما حتي بيناموا بيحلموا بالكوابيس، وبيصحوا كتير في نص الليل، ومش بيعرفوا يفتكروا حاجه من الكوابيس اللي حلموا بيها، دا غير انهم لما بيصحوا بالليل مش بيعرفوا يناموا تاني، وبيدخلوا ي دوامه القلق والذعر والكوابيس وصولا لمرحله أنه مفيش نوم من الأساس أو لمرحلة أنهم خايفين أنهم يناموا.
والحالة دي بتحصل احيانا لما بنتفرج علي أفلام الرعب قبل النوم اللي بدورها بتسبب حاله الخو من اننا ننام ونحلم باللي شفناه واحنا نايمين، دا غير الأساطير والحكايات الشعبية اللي بيحكوا عنها اللي موجود في ثقافات الشعوب، حط عليهم التفكير في الجن والعفاريت والشياطين وكتر الكلام في الحكايات المرعبه دي بيحصل حاله من الخوف.
وفيه كمان الصدمة اللي ممكن يتعرضها الشخص لو حد من أهله أو قريبه مات وهو نايم أو صحي من النوم علي خبر وفاه حد هو بيحبه.
أعراض الخوف من النوم:
من المعروف أن الحالات دي بتسبب للشخص نوبات من الذعر والقلق، وهي من الأعراض المنتشرة عن فوبيا النوم، وبسبب الخوف أنه الشخص بيتعرض لشوية تغيرات فيزيولوجية منها العرق وسرعة في معدل التنفس ودقات القلب، وممكن أنه يتعرض بسبب ده لأعراض جانبية منها:
– التعب بالنهار والنعاس الشديد.
– التهيج وتقلبات المزاج.
– مفيش تركيز، ولا انتاجية في الشغل.
– الميل للسقوط وميش طاقة انه يعمل أي حاجه.
أزاي نتغلب على الخوف من النوم:
باختصار كده فيه أماكن كتير مهتمه بالصحة النفسية اللي بتساعد الناس اللي بتعاني من النوع ده من الخوف وبيتخليهم قادرين أنهم يسيطروا علي خوفهم من فكرة النوم، ويحاولوا يسترخوا قبل النوم دا غير التأمل واليوجا اللي هي من التقنيات اللي بتساعد جدًا ،
بالإضافة إلى تمارين ممارسة التنفس العميق، وكمان الكتابة إن الشخص يكتب الحاجات اللي بتخوفه في ورقة دا غير الافكار سواء منطقة أو مش منطقة عن النوم، دا غير أن فكرة ان فيه وقت فاضي بتخلي الشخص يفكر في الحاجات اللي بتخوفه، فا من الأفضل أنه يملي وقت الفراغ بأي حاجه زي عمل أضافي أو عمل تطوعي بهدف أنه يبعد الأفكار السلبية أو الهواجس المزعجة عن دماغه، ويتغلب علي حالة الخوف.