فوبيا الألتزام وأنواع العلاج: عشان تقدر تتجوز أو تمضي عقد 2019

بما أننا اتكلمنا قبل كله علي أعراض ومسببات فوبيا الالتزام هنا هنحاول نقول العلاجات المتوفرة عن فوبيا الالتزام سواء علي مستوي الشخص نفسه أو الناس اللي حواليه.

في الأول هنقول إيه الخطوات اللي المفروض نملها قبل ما نبدأ ي العلاج نفسه:

قبل العلاج لازم الشخص اللي بيحس بالنوع ده من الفوبيا أنه يكون مقتنع أساسا بأنه مريض وأنه محتاج علاج، وكمان يكون عنده استعداد أنه يدور علي العلاج بنفسه وإيه العلاج اللي يناسبه واللي مستريح فيه.

الدكتور بتاعك هو الوحيد اللي يقدر يحدد هل الشخص اللي قدامه عنده خوف مرضي بس اللي هو الفوبيا ولا عنده أي نوع تاني من أضطرابات الشخصية.
لازم الشخص نفسه يشتغل مع الدكتور بتاعه عشان يعرف السبب اللي ورا النوع من الفوبيا اللي عنده.
لاعلاج النوع ده من فوبيا الالتزام يكون بيعتمد علي أهمية فكرة الالتزام نفسها وايه تأثيرها علي الناس اللي حواليه.
فكرة أن الشخص نفسه يتكلم مع الناس اللي حواليه علي اللي بيحس بيه يمكن يساعده الكلام علي أنه يقلل من الضغوط اللي بيتعرض ليها اللي ممكن تكون سبب في الخوف المرضي اللي عنده.
و الخطوات الإيجابية اللي ممكن ياخدها الشخص عشان يحاول يحل الصراعات والمشاعر الداخلية اللي مش عارف يلاقي ليها إجابة.
كمان الأدوية الطبية اللي بيوصفها الدكتور مهمه جدا عشان تعدل المزاج وتقلل من حدة الخوف في الحالات القصوي للفوبيا.

أنواع العلاج:

العلاج السلوكى

العلاج السلوكى هو في الغالب بيعتمد علي فكرة التعرض بمعني أن الدكتور بيحاول يعرض الشخص للحاجات اللي بتسبب له النوع ده من الخوف المرضي غير أنه بيكون معاه شوية أدوية اللي مش بتسبب حاله الأدمان لو الشخص اتعود عليها، هي بس بتديي له أحساس بالاسترخاء عشان يقدر الدكتور يتعامل معاه ويحدد ايه سبب الخوف أو الفوبيا وأيه أنسب طريقه للعلاج في الحاله دي.

العلاج بالتعرض:

و نوع ده من العلاج السلوكى بيتم من خلاله التعرض للمخاوف ومن غير ما يحاول يهرب منها لما الخوف يوصل لذروته، بس هنا مع التصميم واصرار الشخص أنه محتاج للعلاج بيقلل الأحساس بالخوف تدريجيا لحد ما ينتهي.
وفيه طرق مشهور أسمها التعرض بالتخيل بمعني أن الشخص بيحاول يستخدم خياله في أنه يعرض نفسه لمواقف تخليليه اللي هي في الأساس بتسبب له الخوف ومنها يحاول أنه يعرض نفسه تدريجيا للمسببات الحقيقه للنوع ده من الفوبيا .

العلاج بالتعرض إما بيكون تدريجي عن طريق أنه يتعرض للموقف اللي بيسبب له الخوف فى وقت قصير ويحاول يزود الوقت ده بشكل تدريجي، أو فيه نوع تاني من التعرض اللي هو أسمه التعرض بالصدمة يعني تعرض الشخص المريض لمسبب الخوف مره واحد ومش بالتدريج وبيسموه الفيضان او الغمر بالمواقف المخيفة والمرعبة بدرجة عالية لحد ما يبطل يحس بالخوف منها ، أو كمان ممكن يتم التعرض من خلال المجموعات بمعني أنه بيتم تعرض مجموعة من الناس اللي بيخافون من نفس الموقف أو عندهم نفس نوع الخوف عشان يشجعوا بعض علي أنهم ما يخافوش ويساندوا بعض.

العلاج النفسى:

ودا بيحصل لما تتجاوز مخاوف الشخص أو قلقه قدرة علي أنه يتحمله سعاتها نلجأ للدكتور النفسي عشان يساعدي الشفا والتحسن في الحاله بالشكل التدريجي، والعلاج النفسى من أفضل العلاجات اللي ممكن يحصل عليها مريض الفوبيا على اختلاف أنواعها، وبتعتبر من أكتر أنواع العلاجات اللي تفيد في الحالات دي.

وبيعتمد علي أساس أن المريض بيحاول يرتب مع دكتورة انه يعرض نفسه لمخاوفه بشكل تدريجي عشان ما يحصلتش أن المريض يبطل أنه يروح للدكتور من شدة خوفه أنه هيتعرض أنهارده لحاجه بتسبب له رعب مرضي، لأنه حاسس أنه مش هيقدر يتحمل الخوف.

العلاج الأُسرى

إذا كان العلاج النفسى من أهم العلاجات اللي ممكن يتلقاها مريض الفوبيا، فإن العلاج على مستوى الأسرة أو الدعم الأسري للفرد اللي بيحس بالنوع ده من الخوف مهم علي أساس أن الأسره هي أقرب حاجه للشخص المريض مهما اللي يقدروا يتابعوا حالته عن قرب بسبب ملازمتهم ليه وهما اللي يقدروا يعرفوا إيه الحاجات والأماكن والتصرفات اللي بيبعد عنها و بيتجنبها مريض الفوبيا .