شعر فراق ، اشعار فراق ، شعر فراق قصير ، ابيات شعر فراق حزين

جيتها

جيتها ما شوفها من دمع عيني
أشتكي دنيا قست ما يوم لانت
قلت : مدري وش أبي ؟ لكن عطيني
و امسحت دمعي و قالت : أص هانت
أنت تدري فراقنا دينه و ديني
و أنا أحس لحظاته الملعون حانت
خل عنك الآه و اسمع يا ضنيني
العزا معشوقتك ما يوم خانت
علمتني بالغياب أنشد حنيني
وأذكر انه قال لي : كانت و كانت !
(بركات الشمري)

————

متغيره

متغيره يالله عسى مابه خلاف
من حقي أسأل عن غرامي وأحاتي
أدري رجل لكن من فراقك أخاف
صعبه بدونك ياحياتي حياتي
(ماجد المقاطي)

———–

الليل

اقضب الليل تكفى لا يروح
دام لي بالصدر عرق يصيح
باكر وداع و فراق و نزوح
تطلع الشمس ونجومي تطيح
(بدر بن عبد المحسن)

————

الفراق

والله إني كنت الوم اللي يضيق إن غاب خله
لين جربت المحبه و الفراق و قلت توبه
(حمد السعيد)

——–

قلب العالم

لاجلك جميع ظروف وقتي تحديت
حتى الفراق الّلي بضرسه علكني
لا ماتخلّى الحب ولا تخلّيت
كل مابغيت أعود يمّك مسكني
(خالد الفيصل)

—-

الكذب خيبه

روحي.. وهالمره خلاص لاتردين
هذا الفراق وروحةٍ دون رده
الكذب خيبه.. ماعرفتي تحبين
ما انتي من يستحق الموده
ماتعرفين الحب والعطف واللين
ولا عاد في قلبي على الحب شده
(حامد زيد)

—

مسألة وقت

هي مسألة وقت بس وتفهم احساسـي
انّي على شان حـبّك أطـلب فراقك
لا تفكّر ان العـواذل لعـبوا براسي
مازلت احبك لقا وفراق واشتاقلك
ما ودّي تشـوف عينك طبعي القاسي
أو ضعفي اللي يدوّر لحظـه اشفاقك
(علي الخوار)

—

أحبك

أحبك كثر أخطائي
وأدري إنك تحبيني
وأدري لو تفارقنا فلا نقدر على النسيان
اذا تقوي على فراقي وبعدي عنك خليني
(عبد الرحمن بن مساعد)

——-

مفاهيم العلاقه

ان لقيت انسان مثلي مايخون الود حبه
وقتها؟ بتعرف قيمة من تهاونت بفراقه
كل جرح ٍ من فراقك لانويت اجيب طبه
بذكر أنك كنت غالي؟ وكنت للقلب اشتياقه
اخذ مني قاعـده صارت بفكر العقل قبـه
واخذها مني قناعه في مفاهيـم العلاقه
ممكن!بيوم الصداقه تكبر وتصبح محبه
بس لا يمكن؟ بيوم الحب يتحول صداقه
(سعود بن مهدي)

——-

ساعدني

كانك على قولك تمنى لي الخير
ساعدني أنسى حبك اللي خذاني
خلي حياتي تنقلب كلها غير
وانسى الحبايب والزمن والمكاني
حبي لك أبلغ من كل الأساطير
ما له بقاموس الهوى وصف ثاني
لا شك أنا أشعر بالنهاية وش تصير
واحسب حساب فراقنا بالثواني
(سعود بن بندر)

—–

انكساري

انكسرت من الفراق وشوف عيني
شوف عيني وانت تدري بـ انكساري
كل ما مديت لـ وصالك يميني
رحت تتجاهل يميني مع يساري
حتى صرت اشوف جرحك في يديني
في يديني جور صداتك مواري
حس فيها لا.. بلاها حس فيني
لا تعبرها لكن رد اعتباري
(سعد علوش)

———

فراق و فراق

ماكنت افكر في فراقك دقيقه
لولا ان عقلي من سبات الهوى فاق
وشفت ان جمع الشمل ماله طريقه
ولاصار لي قدره على قهر الاشواق
ونور الامل في الوصل يفقد بريقه
ودايم وحنا باالاسم بس عشاق
اظهر لي الواقع ومر الحقيقه
كلش يقول افراق وافراق وافراق
(سعود بن بندر)

———

يامعدي المرقاب

يامعدي المرقاب خله لمشتاق
أنزل وخلْ معذب القلب يرقا
ياليت ربي ماخلق حب وفراق
والا خلق حبٍ على غير فرقا
(محمد السديري)

——–

أشوفك بصوتك

ماعاد أنا مشتاق ولا أنت مشتاق
أنا رقدت البارحه وأنت مامسيت
هذى أنت دايم تقلب الصحبه خناق
ودايم تغلى ولا أنا ماتغليت
صح أنك لي لذة وصاله فراق
وصح أنك ليا كل مارحت ماجيت
لا كني أحبك ومن كثر منساق
أشوفك بصوتك كل ماأقبلت وقفيت
(سعد بن علوش)

—–

كان لي قدر

كان عندك لي قدر بعد الفراق
لاجاتك بنت على أسمي سمها
(الالماسه)

——-

لو يعرف

مـاتقبلت الفراق ولا ليدي فيه حـيلة
آه لو ان الظروف المقبلة تكشف قدرها
لويعرف الشخص منا وش مع الغيب بيجيله
كان جنبنا المشاكل مـن قبل يوقع ضررها
ماهقيت الليله اللي جابت الفرقا طويلة
لين صارت ليلة امس بعيني اطول من شهرها
(حامد زيد)

——

ذ****

رحلت إنت وتركت بداخلي طيفك وصبر طال
غدت ذ**** شمس ماتغيب وصورتك ظلي
حكيت ومالقيت من الحكي إلا الندم موال
سكت ومت بالحسره ولاادري وش هو أحسن لي
تخيرت الفراق ومادريت إن الفراق وصال
أقول إني نسيتك بس ماادري كيف تاصل لي؟!
(طلال الرشيد)