سَعد علوٌشْ ،، كَرتْ زِيأرَهْ , Saad Alloush, visit Card

قال : أبا اشوفك . . سكت شوي ، قلت :
و ش زينه . .

موعدٍ معك أنت لايمكن عليّ إنكاره

بس لاحظ إن قلبي لو جفوا غالينه

ما جعلهم عرضة النقاده الثرثاره

قال : أنا أدري .. و الله يوقْف معه ويعينه

قلبك إلى حط أعداءه . . على أنصاره

قال: باكر .. قلت : بآكِر (غد) .. ياتانينه

كلها ساعات ويبوح النهار أسراره

المهم.. أصبحت صبحٍ ما عرف تكوينه

صبح من ندرة عصافيره تصيد احراره

وآتقهوى . . قهوة اللي مضحكتْه سنينه

وآخذ اغراضي معي.. واشغّل السياره

واسرح في بالي انه في حدا دربينه

يا قبل بيته ابيّتين . . أو على دوّاره

وليه ذا . . واقف معنّز جسمه بيدّنيه

وقفة اللي ربعه تحبّه ولاتختاره

قلت: ليه انت اتّشائم والبني آدم طينه

ينتصر . . لاحط ذكر الله على إصراره

قال: أنا . . مانيْ متشائم . . لكن ياشينه

لابتدا عمرك بصدماته وموت أزهارهْ

كنت احسب ان الحياة لساره أولـ (لينه)

لين ماتت (لينه).. وفي يوم ماتت (ساره)

ظل يبكي.. وانتهز صدري .. وجا من بيـنه

لين حسيت ان كثر الدمع فك ازراره

اعملت في عيني انفاسه ودمعة عينه

مثل ما يعمل بخار الشاي في النظاره

قمت اضمه وآحضن راسه ولا ادري وينه

لاني اعشقه بمفاجأته وفي تكراره

كان يوم . . يعلّم الواحد يوفّي دينــه

الفرح به قاطعٍ للحزن كرت زياره

يالله انك تقطع الوقت الردي وتهينه

كانه يبكّي كباره من غياب صغاره

منقول