خاطره قصيره عن اليتيم , خاطره ع لسان طفل يتيم , كلمات عن اليتم
[يايبه .. عمري .. حبيبي
لاتتأخر
ابي ترجع قبل ما أنام
وقبل ما انسى يبه اسمــــــــــع
ابي دفتر رسم احمر
وابي اقلام للتلاوين
وابي ثوب . . مثل لون الشموس اصفر
وابيك انت تلبسني
تحمل يبه ارجوك
شوي . . شوي . . وينك ؟
تعبت انتظر
تعبت اتخيل ايدينك
يبه وينك؟
تعبت اسأل زوايا البيت
تعبت اسأل ثوبك المكوي
تعبت اشم عطرك
واحضن غيابك
تعبت اكذب على دمعي
وارتب عيني وثيابك
يبه وينـــــك ؟
الف الدار واتذكر
هنا يمشي . .
هنا يجلس . .
هنا يضحك . .
يبه وينــك ؟
ويقطع حزن هالافكار
باب الدار
واصيح بصوت واتحشر . .
منو بالباب . . منو اللي دق هذا الباب
انا مابي لعب . . واقلام
انا مابي هدايا
انا مابي اشوف اصحاب
يبه وينـــك؟
يبه يرضيك حالي الحين
كرهت المدرسه . والدرس . . واصحـابي
يبه وينـــك؟
كلامي يبه حارق كلامي مر
وانا اقرا في الدفتر هنا
( يوقع ولي الامـر )
مين اللي فرحتي تتكمل بهمسه .. وضحكاته ؟؟
يبه وينـــك؟
نجحت وتختنق فرحه وسط صدري
تجيني الناس وتبارك وتسأل
وش هذا الحزن بعيوني ؟؟
ولا تدري اني يتيم