بعض البشر يموت بميلاد عصره !

بعض البشر يموت بميلاد عصره !

.

ماجيت احدد واشتكي لك مكاني..
ولاجيت أبين للمشاريه نبره..

غصب(ن) علي تحكي عمايل زماني..
وش حيلة المكتوم لآثار صبره ؟

تصرخ جروحه في وجيه المباني..
وتجاوب الصرخه ملايين عبره..

بعض الشعور اقبل وسقته بلساني..
والبعض حار وحكمة الرب قدره ..

ماابغي أغوص بحور واتعب واعاني..
واوقد نار الهم وأشيل جمره..

ودي ابين بالمفيد المعاني..
ومالي على جرح العزيزين خبره

انا وجودي بس مجرد أماني..!!
يكفي كتابي اندفن وسط سطره..

هذاالمثل مكتوب مني وعشاني..
.بعض البشر يموت بميلاد عصره..!!