التوت
ورب السماء والقيم والخبز والقـــــــوت
يانوت احبك واعشقك واتمـــــــــــــناك
يكفي تكوني اجمل الخلق يانــــــــوت
من شان احبك واعشقك واتمــــــــناك
ويكفي تكوني طفلتي حبة التـــــــوت
وانك تكوني نوتتي واتغـــــــــــــــــناك
غنيت بك غنيتلي واورق الصـــــــــوت
والصوت صفراء عروقه بلا مــــــــــــاك
ياعلني فدوة عيونك وانا امــــــــــــوت
وياعل ماجالك يجيلي ولاجـــــــــــــاك
حبيبتي والشعر لولو وياقــــــــــــــوت
تلبسي عقد القصايد وتزهــــــــــــاك
الشهر من دونك هشيم ومبــــــهوت
وينشد خضار وريقته يوم نــــــــــاداك
يانوت ياسحر كما علم هــــــــــاروت
سحر حلال وصنعته يد مــــــــــولاك
يانوت ياطهر كما كما ورد مفتــــــوت
لا و اهني اللي يشمك ويلــــــــقاك
عينك حياض الموت او عين جــالوت؟
يانور عين اللي يشوفك ويضـــــماك
وبين الضلوع بخاطري شي منحوت
ولاطالته رجلي ولا الشعر يرقـــــاك
بس العزى هاك القسم باول بيوت
باول قصيد اللي بدا بك ولا انهـــاك
ورب السماء والقيم والخبز والقوت
يانور احبك واعشقك واتمنــــــــاك
وهي للشاعر – عبدالرحمن الخضر
وتقبلوا تحياتي وفائق احترامي