اشعار وقصائد اليوم الوطني البحريني 2019

شعر قصير عن البحرين , اشعار وقصائد اليوم الوطني البحريني , عبارات وكلمات عن مملكة البحرين

اشعار وقصائد اليوم الوطني البحريني

من ادلال الفخر تلقى الرحابه = روايح هيلها طيب ٍ كسابه
”
تقهوى من فناجيله محبه = تلاقي كيفها ناقع روابه
”
ولامنّك سمعت الشعر مني = تعجبك جرّته ابفن الربابه
”
ولامني تليت الشعر ودّك = يطول القاف وتْطول الكتابه
”
ومن الزلاق شاعر جيت بنشد = عن ابلاد الفخر واهل النجابه
”
لذا فاسمع قصيدي وانتبه له = قصيد ٍ فارق ٍ عن ما سوابه
”
ألا ياديرتي مرحب هلابك = أضمك في حشا صدري سحابه
”
مطرها من وفا عمري زهوره = سقاه المزن لحظات انسكابه
”
زرع في داخلي أغلا شعوره = رواني حبّ من لبت ترابه
”
بلادي والفخر فيك ايتزايد = لبستي من غلاك افخر ثيابه
”
هل البحرين ياطيب ٍ توارث = شهادة غيرنا والكل حكابه
”
ولي قلنا من البحرين يعني = تشوف الطيب فينا لا غرابه
”
إلا ياعيد مرحب يوم تقبل = تشوف ابيوتنا البيرق زهى به
”
تشوف اعلامنا يرفل سحرها = وعلى كل بيت بيرقها علابه
”
تغنينا بعيدك يابلادي = عسى روض السعد فيك ايحيابه
”
وعلى طاري بلادي والأحبه = ذكرت أغلا مليك ٍ يُعتزابه
”
سعد عين إلذي لامس كفوفه = حمد يا عزّ مامثله تشابه
”
مليك ٍ فالعلا نال الأماني = تلامس هامته علو السحابه
”
يفز المجد لجله بالتحايا = يوقّر جيته حبّ وْمهابه
”
شموخه في العلا زاد ارتفاعه = رواه العزّ من أحلا شرابه
”
حمد ياذخرنا راعِ المكارم = عسى عمرك طويل ٍ وتْهنابه
”
هلا يامرحبا مليون واكثر = غلا في قلوبنا مكثر حسابه
”
أبوسلمان يارمز المعالي = سكنت اقلوبنا عزّ ورحابه
”
ملكت اقلوبنا من بعْد ربي = وملكت الروح مافيها طلابه
”
ولامنك عطيت الخير ترجو = من المولى يحقق لك ثوابه
”
حكيم ٍ في المواقف لك فراسه = تدوزن حكمتك فن وْ ذرابه
”
شجاع وْفطنتك محد ٍ وصلها = حميت الدار من نهش الذيابه
”
عقل ، حنكه ، فطن ، فكر ٍ وطيبه = وفيت ابعهدك وْشعبك وفابه
”
يثيبك ربنا بالخير كله = عساها دعوة ٍ فيها إجابه
”
جعلك الله ممن طال عمره = على خير العمل وافضل كتابه
”
حماك الله ياتاج المعزه = وتبقى للعلا رمز ومهابه
”
ختمت القاف لك باحلا المعاني = ولو ودّي أطوّل بالكتابه
”
أنا ودّي ألخص مافي قلبي = بكلمه لك تعبر كل مابه
”
(نحبك ياحبيب الشعب وايد = لأنك مجد مامثله تشابه)

بدر بن سعود الدوسري

سلام الله على العاهل رفيع الشان ابو سلمان
…………………..سـلام العز والرفعه من الديرة لغاليها

سلام وتهنئة لعاهل بلدنا شامخ الاركان
………………….سلامٍ من قلوبٍ يا حمد حبك سكن فيها

سلام معطر بنرجس وكادي وفل مَعْ ريحان
…………………. و عود وعنبر مطيّب لك اجمعها وباهديها

سلامٍ ما يليق الا بـــحمدنا فارس الفرسان
………………….عسف خيل الفخر والمجد وذلّت له نواصيها

حمد وجه السعد-نور البلد-القائد-الربان
……………………… سفينتنا على مينا الحضارة هو يرسيها

مليكٍ يملك قلوب الشَعَب بالطيب والاحسان
………………… …. مليكٍ يمسح دموع اليتامى وما يخليها

حمد .. عطفه كما سيلٍ غزيرٍ يروي الوديان
…………………… قلاع الطيب من غيره مؤسسها وبانيها

ملكنا للكرم معنى… ملكنا للعطا عنوان

………………….. ألا لو للكرم دولة .. حمد أسس مبانيها

يا نور الشعب والديره يا بدرٍ في سمانا بان
…………………….. يحبك كل بحريني بــ قاصيها ودانيها

حمد ماضي .. حمد حاضر ..حمد تاجٍ على الازمان
…………………..حمد مستقبلٍ مشرق حمد لاحلام يحييها

يا سيفٍ يقطع رقاب الاعادي ويردع الخوّان
…………………… يا غيثٍ يسقي الديرة وخيره عَم اراضيها

حمد لو ننرسم لاجلك ونتمازج معَ الالوان
………………………….. نشوفك نور دنيانا تلونها وتحليها

حمد قول شتبي آمر ؟؟ تبي روح اسكنت لابدان؟؟
………………..فداك الروح –وراعي الروح-ياروح الروح-وغاليها

حمد لو اكتب اسمك في قصيدة اصبحت ديوان
……………………… حمد انت الشعر كله ..وقصايدنا ومعانيها

انا يا سيدي ياليت أوفي لك بلا نقصان
……………………….واطوّع لك قصايد شعر واحني لك قوافيها

ولكن لو تبي مني نظر عيني يجيك الآن
…………………….حمد لو تطلب الروح العزيزة .. جيتك اهديها

وانا في شارع ” الفاتح ” لمحته يدعي المنّان
…………………….وسط صورة بــ طهر نفسه واوصافه يحليها

اشوفه رافعٍ كفه لربه يطلب الغفران
………………………عسى الله يحفظ كفوف الكرم ، يقبل دعاويها

آلا يا سامعي ردد وراي وقول: يا رحمن
…………………………… تعين الوالد القائد على الدنيا وبلاويها

عسى الله يسعد ايامه بأذن الواحد الرحمن
…………………….. عسى الله يسمّح دروبه ويحفظه من بلاويها