قصائد غزل قصيره , قصائد غزل وحب , قصيدة غزلية قوية
قصيدة بعض الأحباب للشاعر طلال الرشيد من قصائد غزلية للزوج:
ماقلت أحبك ولا قد قلت ما حبك … أحب مالي عيوني إنت تـسـواها
لو تدري اشكثر تعني لي تعرف إنك …. آخر أمل في حياتي وأول مناها
ياكثر أحس إن بكمني وبي منك … روح قسمها على شخصين مولاها
لا تقول وش تحب فيني أعشقك كلك …. من ليل شعرك لكلك وآخر أقصاها
سميتني نصـفــك الثاني ويا شحـــك … أنا بسمـيـــك كلي وإنــــت معناها
تعبت أوديك له يا قلب ويردك … لا أخذ حلومي ولا خلاني أنـســاها
كل الحمام استراح وناح في ظلك … والورد الأصفرسقته الروح من ماها
ليتك بعمري ثلاثة أشخاص ماملّك …. واحد معي دوم وواحد روحي يملاها
والثالث بجفن عيني لا فقد حسك … أو غمض الجفن جاني فيك يتباهى
مو بس أحبك أنا والله من حبك … أحب حتى ثرى الأرض الليتطاها
قصيدة آخر حب للشاعر طلال الرشيد:
كنت أحسباني عرفت الحب قبل أعرفك
وعشقت قبل أعشقك واشتقت قبل ألتقيك
وكنت احسباني لقيت أحباب قبل أوصلك
وأثري توهمت في غيرك وأنا كنت أبيك
تعال نعطشو تشربني وأنا أشربك
تعال قبل الوعد أجلس معي نحتريك
تعال شفني وأنا أستناك .. كم أشبهك
يطري علي ألف راي وراي وأحتار فيك
أجي مكان الوعد وإلا أسبقه أنطرك
وإلا آخذ الموعد اللي يحتريك وأجيك
يا آخر الحب ذقت الحب في أولك
ويااول الشوق أقصى الشوق ماينتهيك
علمتني كيف أعرفك لين صرت أجهلك
ضيعتني في متاهاتك وكنت أرتجيك
حبيب الأحلام يابعدك ويامقربك
حرام يكفي تبعثرني وأنا أحتويك
أن شفتك بحلم صدقته وأنا أتوهمك
وأن شفتك بعلم كذبته الين انتشيك
أخاف أغمض عيوني وإن رمشت أفقدك
وأخاف افتح وتصبح حلم ولا التقيك
قول أحبك … يبتسم عالمخيالي … وأحلم اني مالك الدنيا لحالي
اشتري كل النجوم من السما … وما اخليو رده تشعر بالضما
واقرأ للريح القصايد ……….وألبس الحكي القلايد
واتعطر من وجودك …………..انتظر حالي ردودك
وانتظرها كلمه وحده … انتظر كلمة أحبك … قول أحبك
قولها خل المسافة تقترب اكثر واكثر ……قولها ماهي حسافة يمكن الاحلام تكبر
ونتلاقى حتى لو صعب الكلام …….يكفي أدري عن شعورك والغرام
اهدني طوق النجاة … خلني احيا الحياة … قوللي كلمة احبك … رجع لقلبي صباه
قولها ما أظن تندم … يامنى القلب وغلاه … قول أحبك
ليه خايف … هذا انا واحساسي قدامك وشايف … مدري كيف ابديحبيبي مرتبك مثلك وخايف
يارجى الملهوف تكفى … لم باقي الشوق يدفى… واحضنالشوق بوجودك خلني داخل حدودك
دام هذا الشوق فينا والهوى يركض يبينا …قولهامره حبيبي ينتشي الحب ويجينا
