قصائد عن الزله , اشعار قصيرة تغافل عن الزلات ,شعر عن زلة الصاحب والصديق , ابيات شعر عن التجاهل والتغافل

لا جـتـك زلــة مــن رفـيـق تـــوده
رفيـقـك الـلـي مــا تـعــدد مـزايــاه*
رفيقـك اللـي تقصـده وقــت شــده
وتنحـل لا مـن شفـت طلـة محيـاه*
بـيـنـك وبـيـنـه خـــوّة مـسـتـجـده
متجـول فـي قلبـك أدنـاه وأقـصـاه*
حبـل الوصـل بينـك وبيـنـه يـمـده
يمـك يسوقـه قلـب وتشيلـه خطـاه*
نفـسـه يطّمنـهـا ولــو فـيـه حـــده
لأجـل الرفـيـق يـكـب شــي تمـنـاه*
مـا يتـركـك فــي سهـلـة مجـرهـده
طيّب وهـذا طيـب ساسـه ومجنـاه*
صقر ينومس بالقنـص مـن يهـده
وافــي شـبـور وطـيّـبـات نـوايــاه*
احـذر خـطـاه لغـيـر نفـسـك تـعـدّه
واحذر يجي غيره ويجلس بمركاه*
ادمــح لــه الـزلـة وحــذرا تـضـده
ودور علـى عــذر يـعـذره وتلـقـاه*
لا تشيـل نفسـك والجبـل لا تـهـده
واحذر تكـون اللـي نقـل داه بـرداه*
بـاب الجـفـا لا فــك عـجـل بـسـده
وإبليس لا ابلس بالقطاعـه تحـداه*
أوصـل رفيقـك عاتبـه فــي مــوده
وبيّن له اللي حس بك من خطاياه*
واحـذر مجالـس راكبـيـن الاشــده
أشــدة الغـيـبـة رجـــال المـحـابـاه*
أهل النكـد وأهـل الوجيـه المصـده
قـوم علـى نقـل السوالـف مضـرّاه*
رجـالـهـم دايــــم مـعـشّــي بــبــده
عـزاه ياللـي غـيّـر الــدرب عــزاه*
مــا ينفـعـه طـيـب مسـويـه جـــده
لا صار خايب مـا يسـوي سوايـاه*
والـقـاف الأول يــا رفيـقـي نـــرده
رفيقك الطيب مـن الصعـب تجفـاه*
لا جـتـك زلــه مــن رفـيـق تـــوده
احـذر تنـكـر لــه وبالـشـر تـجـزاه*
وصــلاة ربــي عــد منـهـو يــوده
على النبي اللي على الديـن نقفـاه

وزلة رفيقك لالفـت دون مقصـود*
لاتمسـك الزلـه وهـو ماقصدهـا*
.
ثـلاث مررهـا ولا شـك بشهـود*
والرابعه شـب الحطـب لا وردهـا*
.
هذي عشر وان كـان تبغينـي ازود*
سجّل على عشر الوصايـا وزدهـا*
.
الظلم شين وتالـي الظلـم مـردود*
والغيظ شيطـان القلـوب وكبدهـا*
.
والصّمت زينه والحكي سيف محدود*
والحقـد غيمـه والتباغـظ بردهـا*
.
فكر وميـّز واعرف البيض والسـود*
واحذر قلوب الحاسديـن و حسدهـا*

حملت نفسي بالخطأ وانا الخطأ عني… بعيد
ووسعت صدري يوم صدرك ضاق من كبر زعله!
ولينت لك باسي..وباسي تعرفه دايم شديد
كله لجل نكسب رضا المخطي وراعي الأوله
واستسلمت لأرضاك عذبات المعاني والقصيد
والعين خجلى منك ياراعي الفعول المخـجله
واذا فرضنا ان الخطى من بيننا ماله رصيد
تعال انا وياك نستنتـــج فـروض المشكله

تخطي علي . . . واستسمحك . . . واترجاك

ضعفي هواك . . . وفطنتك ما تخونك

المشكل اني كل . . ما جيتك ابنساك

فكرت نفسي كيف . . ترتاح دونك

وما اظن لا هذا . . . ولا ذا . . . . ولا ذاك

والي سمعت بذكره . . . يعوضونك

تدري اني اعشق فيك شامل سجاياك

زينك وشينك . . في قساك وليونك

واني متيم في محاسن محياك

وتعرف علي وشلون . . . سلطة عيونك