قصائد صباح الخير , شعر صباح الحب والشوق , قصائد صباحيه جميلة
صباح الخير
صباح الخير .. يا قلب ٍ بنبضاته .. عرفت الخير*
صباح الطُهر .. يا عمري .. بدى بتفتيحة عيونك*
غريبه : قصة الغربه ..و الأغرب قصة التقصير
إذا ما انكتب .. للوصل : عُمر .. وساور ضنونك*
وش أحكي:المدى ورده .. واحلام الطفوله طير
وشباك اللّـقا .. والليل .. ثلاث أيام .. يطـرونك*
رسمتك للحنين .. قلوب .. أملها ف/الحياة صغير
ونفخت الصدق .. فيهم .. لين ما صارو .. يحبونك !
وجاي الحين تسألني : تضايقت بغيابي كثير
أجل ما تدري .. إني كل ما فكرت أبـ آخونك :
أحس روحي .. تبي تطلع ..أحسّك تخطي التفسير
وتـُمر كل لحظه .. بعمري .. قضيته معك وبدونك
وأهز راسي .. وأنا أدوّر .. لزلة خافقك تبرير*
وأراجع كيف .. كنـّا نصون : عهد الحب وآصونك*
“حبيبي” والله ما فيني .. تعبت أشتاقلك وآغير
بموت من الصبر .. لا تكون ناوي : تجدد طعونك
تخيّل .. من كثر ما أخلفت ظني .. بفطنة التفكير*
أخاف أطريك.. بين الناس ..وأسهي ثم يشوفونك
حسافه : والعبث أصل الحقيقه .. والفضا تصوير*
وشوّال الوعـد .. أقفى .. وهو ما حرّك شجونك*
تخليني أفضفض لك .. أقول أنت بخفوقي غير
بعَْدها تقول خـلّ الشعر .. ولاّ .. بـ أقطف جنونك
يجيب الله : ضلوع جداد .. تقدر بالنهايه تصير :
على قد العشق .. دامك نسيت تقولي ..شـلونك ..!
صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر
طيور القلب طارت لك .. وباقي في خفوقي طير
بـ يحضن حبك الخالد .. ويرعى بيتك الاخضر
من الغربه أنادي لك واناديلك .. واشوفك غير
أشوفك غير ما شفتك .. أشوفك اجمل وأكبر
وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر
أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر
تعالي نترك الدنيا ورانا .. وآخذك ونطير
تعالي رجعيني لي .. وخليني أعود اسمر
تعالي من ورى شمسي .. تعالي نترك التبرير
شموخي واحتجاجاتي وصرخاتي .. بدت تصغر
أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر*
نسيت أقول لك .. انك عناوين الفرح والخير
وذكرت آقول لك .. اني أحبك قد ما أقدر ●●●
50[1].gif
صباح الخير ياقلبي ،، صباح الروح يا اغلا إنسان
صباح الطيب والبسمه صباحك داخل عيوني*
صباح المسك والعنبر .. صباح الشوق والتحنان
صباح الصبح للعالم … وصباح الناس للكوني*
صباح القاف والمعنى .. صباح الخير والأوزان
صباحك شعرٍ والحانٍ ترُنم دخل شجوني*
بربك قلبي شخبارك بعد ماجيب لك ولهان
حبيبي صدق بوجودك تعال وناظر جفوني
اناظر وجهك البارق واتوث بعالم النسيان
وربي بعد ما اشوفك تزايد عندي جنوني*
لقيت بصبحك الدافئ جمال الرسم و الألوان*
بصراحه .. يوم ترسملي تجمُل رسمي وفنوني
سرحت بطيفك الرائع كأني ساكن بستان*
وحولي ناس من ربعك حقيقة صدق حبوني*
حبيبي والله أحبك وإذا ناوي على برهان*
ابثبت لك مدى حبي .. وابيع الناس لا جوني
تعال وناظر أشواقي كأن بداخلي إنسان*
ينادي للعرب ويصيح .. امانه لا تلومني*
سخرته ببسمة شفاتك تدلُع كنك الغزلان*
تبختُتر دايم قباله .. يصيح اليوم مفتوني*
تلعُثم يومك تنادي .. تقول اطربنا يافنان*
نسى شعره \ نسى فُنه \ تغُير عنده اللوني*
جريح ٍ جاي يصبح لك جريح ٍ جايلك عطشان*
فقد صبره بعد ماشاف جمالك الف مليوني*
ياعمري فدوت عيونك ملوك الصين واليابان*
ومعاهم كل من قالوا تفضل .. ثم حيوني*
أبيع الناس لعيونك .. وترى منهم عشر اخوان*
وأبيع الدنيا بأكملها مادام انك ملك كوني*
صباح الخير ياقلبي صباح المسك والريحان*
صباح الطيب والبسمه صباحك داخل عيوني
50[1].gif
حبيبتي وشلـون اصبّحـك بالخيـر
وانتي صباح الخيـر والخيـر كلّـه
صبح الندى والعشب والغصن والطير
وصبح الغيـوم اللـي علينـا مطلّـه
انتي صباحـات السعـد والتباشيـر
علـى وجيـهٍ بالرضـا مسفهـلّـه
دامك صباحي وين مأروح و أسيـر
والله مـأدوّر فـوق راسـي مظلّـه
جيتي و صارت لك ضلوعي جماهير
ويتـل منّهـا شوقـي اللـي يتـلّـه
ومدام جيتيني فـأنـا حالـي بخيـر
لو كان جرحي ما أسترتـه الأجلّـه
جيّتك هذي غير وانتـي بعـد غيـر
مثل الوسـم لاجـا فـوقتـه وحلّـه
تزهـر بهـا قيعـان قلـبٍ مداهيـر
وتـرد معهـا روح خــلٍ لخـلّـه
يامرحبا ياأغلـى واعـز المساييـر
واغلى المشاعر ( بيت اهلها تدلّـه )
عـروق قلبـي لـك دلالٍ مباهيـر
صفيتـهـا دلّــه ودلّــه ودلّــه
تربعـي بيـن الحشـا والازاريـر
وأخذي علـى ترويقـة البـال فلّـه
والا أصبري بأطيّر القلـب تطييـر
وانتي تعالي واجلسـي فـي محلّـه
سقت الغـلا لـك والنوايـا مغاتيـر
ولاهمّنـي حقـد القلـوب المغـلّـه
