شعر غزل حمد البريدي , صباحيات و مسائيات حمد البريدي , شعر حب , شعر رومانسي حمد البريدي
أحبك وحُبك حياه وسرّ جوف /
واغار حتى من ظلالك .. يتبعك ،
الناس قدامي ولا كني اشوف /
ما عاد أحس اني أشوف إلا معك
مساء الشوق ..
وطيوفك ..
ولهفات الغلا الفاخر ..
وطاري ..
رعشة كفوفك ..
من الآخر ..
نفذ صبري ..
متى اشوفك !!
تغار لا اشوف العرب يا ملاذي /
ابشر بعزك تمّ .. وافتح كفوفك ،
اخذ عيوني معك هاذي وهاذي /
ماني بحاجتها سوى يوم اشوفك
*.
أنا غرقت
بـ زينك وغرابتك
وأنا عشقت
الصدفه اللي جابتك
أشتاق لك بأقوى شعور
ومن كثر ما حبك غرور*
حتى المشاعر هابتك
.
.
مسا وجهك ..
وعينٍ مسفهلهّ ..
مسا عينك ..
ورمشٍ شفت ظلهّ ..
تعال وسولف ..
وعطرّ مسائي ..
أنا احبك واحب حكاك كلهّ ..
.
*اي والله اني مشتحن واموت فيك /
يا ثالث اغلى الناس عقب امي وأبيّ ،
في ذمتي لو تدري بشوقي عليك /
لو ما تجيني مشي بتجيني تحبيّ
.
*في غيبتك كل طاري للزعل وارد /
ومشكلتي ادمح خطاك وماني براضي ،
يا ليت ربي عطاني قلبك البارد /
عشان ما يحترق قلبي على الفاضي
*.
مسائي صوت يلغي كل ضيقه *..
ما دامه لا حضر يطلق احجاجي ..
يعرف لضحكتي ..
درب وطريقه ..
وفي لحظه ..
يغيرّ لي مزاجي ..
.
الله خلق لون المساء في عيونك ..
يعني متى ما جيت ببدا مسائي ..
.
والله اني ما ابغي اطوّل عليك /
لكن اشواقي بحبك .. والفه ،
من كثر ما احب صوتك واهتويك /
ودي افتح كل دقيقه سالفه
*.
ارجع مثل ما كنت
تكفى عشاني
اللي احب فيك ما عاده بـ فيك
أنا احبك انت
ما احب ثاني
ارجع مثل ما كنت الله يخليك
.
.
مسائي فيك
وفي طاريك
مسائي رمشك المغرور
ووجهك والعيون الحور
تعال وهات لي صوتك
يكفيّ صوتك
ومشكور*
.
لا تعودني على صوتك .. وتجفى /
مسمعي من دون ذاك الصوت يتعب ،
خابرك ما تردني لا قلت : تكفى /
بس اخاف آقولها وظروفك اصعب
تغانم الشوق دام القلب تحت أمرك /
مشاعري فيك ما تشبع ليا جاعت ،
لا دار وقتك وطولّ ربي بعمرك /
عرفت وش قيمة الفرصه إلى ضاعت
.
بتعلمك كل الدروب
والشوق وايام الحنين
بتروح روح وخلنّي
ولا تحسب اني حزين
صدقني اعرف انت وين
عندي شعور يدلنّي
.
معقول ما اطري على باله ولا فكرّ /
أني عقب ما فقدته حالتي حاله،
أدق رقمه وانا ادري أن رقمه مسكرّ /
الله يسامح غلاه ورقم جواله
*.
مسائي في غيابك غير
وانا مدري وش احوالك
من التفكير
طاحت دمعة احداقي
ودعيت الله من اعماقي
يا جعلك في هنا وبخير
.
*.
المساء
ما يبتدي لين اسمعك
واعرف اني مطمعك
وانت غاياتي
وعشقي والجنون
وابتساماتي و رغباتي
لها لذه معك
.
*على رجا لهفة مواصيلك /
صمتي بشوقي ما منع بوحي ،
من كثر ما آحبك .. و أدعي لك /
سجيت حتى لادعي لروحي
،
كل البشر بانواعها تملك احساس /
لا يغرك اللي ما بعد جاك يشكي ،
ترى اللي يضحك دايم ويسعد الناس /
لو سولف وقال الحقيقه .. بتبكي
.
تفاصيل المساء تدعيك ..
كأن الله خلقها فيك ..
على شوفك على طاريك ..
من اولها إلى آخرها ..
.
