تعرفى ياقمر ان الصاحب ساحب تعالى اقولك 2019
تعرفى ياقمر الصاحب ساحب تعالى اقولك 3dlat.net_22_17_f99b
من الحاجات اللي بتعين جدا على فتن الدنيا ومتاعبها وهمومها
الصحبة الصالحة
الناس اللى بيذكرونا بالله
ويشجعونا على الطاعة
ويكون هدفهم الجنة
فلازم وقفة مع نفسنا شوية ونشوف أصحابنا من الناس ديه ولا لأ
لو أصحابك من البنات اللي بتهزر وتكلم شباب .. أو بيكذبوا .. أو بيضحكوا بصوت عالي في الشارع ..أو معاملتهم لباباهم ومامتهم مش حلوة .. أو لما تقولي يالا نصلي يتريقوا عليكي .. اللي عايزين حجابك بناطيل ولبس ضيق .. وبيشجعوكي على المسلسلات والأغاني
لو أصحابك فيهم حاجة من دول يبقى لازم تعرفي إن دة مش صح
عارفة ليه ؟
عشان الصاحب ساحب
ممكن بنات تقول عندى اصحاب كتير مش ملتزمين لا بلبس شرعى ولا صلاه وبيسمعوا اغانى وعادى يعنى أنا زى ما أنا
– بصى شوية شوية وهتأخدى منهم بالتدريج صفات مش حلوة
وبعدين دة مش كلامي دة كلام الرسول ( المرء على دين خليله فلينظر أحدكم من يخالل)
احنا غصب عننا ممكن نتأثر ونقلد اللي حوالينا ..
والرسول صلى الله عليه وسلم قالنا ( إن الدنيا حلوة خَضِرة، وإن الله مستخلفكم فيها، فينظر كيف تعملون … الى أخر الحديث
الدنيا حلوة وفيها مغريات كتير عشان كدة محتاجة حد يساعدك فيها ودول مش هيساعدوكى للاسف
لكن الصحبة الصالحة اللى هتساعدك تكملى صح الناس اللى عايزة ليكِ الخير بس ..اللى بيحبوكِ فى الله بعيد عن اى مصالح تانية اللى عايزينك تكملى معاهم عشان توصلوا للجنة مع بعض
دول اللي هيساعدوكي يوم القيامة
قال تعالى: الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ
وقال رسول الله – صلى الله عليه وسلم – : ( إن الله يقول يوم القيامة : أين المتحابون بجلالي ؟ اليوم أظلهم في ظلي يوم لا ظلَّ إلا ظلِّي )
هتتعبي شوية عشان تلاقيهم بس اصدقي الله يصدقك وادعي كتير وربنا هيرزقك باللي يعينك على طاعته
~~
– طب أصحابنا اللي مش قريبين لربنا نسيبهم ؟!
– لا لا مش هنسبيهم طبعا .. هتنصحيهم هتاخدى بايدهم للجنة -دة لو بتحبيهم-
انتى عايزاهم معاكِ برده فى الجنة كمان مش الدنيا بس .. يبقى لازم تتعبى معاهم شوية واحتسبى اجرك عند الله ..
احنا لازم ننصح اللى حوالينا عشان لما نقع نلاقي اللي ينصحنا ويأخد بايدينا
ماتنسيش فى دعوتهم ان الكلمة الطيبة صدقة
وماتنسيش إن المؤمن للمؤمن كالبنيان يشد بعضه بعضا
وعلميهم يعنى ايه الحب فى الله
وأخر حاجة ذكريهم بقول الله: ﴿ يَوْمَ لَا يَنْفَعُ مَالٌ وَلَا بَنُونَ * إِلَّا مَنْ أَتَى اللَّهَ بِقَلْبٍ سَلِيمٍ ﴾
وأهم حاجة ادعي كتييييييييييير
اللَّهُم ارزقنا صُحبَّة طيبة صالحة تعيننا على الخير وتذكرنا بك وتقربنا إليك، واصرف عنا أهل السوء ومجالستهم والتأثر بأعمالهم وأخلاقهم.
تعرفى ياقمر الصاحب ساحب تعالى اقولك 3dlat.net_22_17_f99b