اشعار مدح بنت العم, عبارات وكلمات مدح بنت عمي , خواطر فخر لبنت العم
فديت بنت عمي
اللي دمها من دمي
اشيل همها وتشيل همي
ياجعلها دوم تبقالي
ذكيه و ذوق معروفه فيها الأدب
عاليه المقام اصيله في النسب
متربيه على الصدق وتكره الكذب
الدين وخوف الله لها مبداء
بصدق وصراحه يضيع الكلام
مهما اقول في اصل الطهاره بنت الكرام
اخاف ماوفيها وهذا ظلم وحرام
لنها غير عن الغير تتميز
تهمني كثير لنها كنزي ومكسبي
انتي اثمن واغل شي امسكته يدي
انتي فوق كل الوصف ياغايتي ومقصدي
مالك شبيه من اليوم حتى عهد النبي
هذا كلام الصدق نابع من كل وجدان
يا بنت عمي
لا تلبسين الخوف وانتي شجاعه
لو المواقف بعض الأحيان تنهاب
ولا تنثرين الدمع يتم وضياعه
مادام لك عزوة بني عم واقراب
خلي الأمل يبرق بعينك شعاعه
والنور باقي بالسما ما بعد غاب
جرحك بخيط الصبر داوي اتساعه
وجرح العدو دمه على الذل ينساب
يا ذل من يبغيك مثل البضاعه
انا اشهد انه خاب ثم خاب ثم خاب
شموخك اكبر من شديد اندفاعه
ما يشتري ثوبك ولو جاب ما جاب
وياعز من حطك بعينه وداعه
بر بيمينه يوم اقسم على كتاب
وش عاد لو خانت طموحه ذراعه
كنتي معه لآخر رمق عنك ماتاب
من قال يشهد لك زحل بارتفاعه
لا تحسبينه قول من واقع اعجاب
مع الشهاده اعلن اسمك وذاعه
يعني اصبري باكر لنا ينفتح باب
ايماننا بحكم القدر فيه طاعه
والله امرنا نتبع كل الأسباب
حنّا معك يابنت ساعه بساعه
قد قلت لك ملح الغلا ما بعد ذاب
الراس وشوش من تزايد صداعه
لا تحسبين النوم بعدك لنا طاب
يا بنت عمي واختهم بالرضاعه
ما كل من يقلط على البيت خطاب
لو كلهم عصبه وقرب وجماعه
ما كلهم محرم خذي عنهم حجاب
جيتك اعزي بس عندي قناعه
الثار فينا حي مهما الدهر شاب
ما همنا من يفتخر باختراعه
اقسمت لك ماحن عن الدور غياب
اذا عزمنا الطير نشبع جياعه
ما نضرب الا فوق هامات ورقاب
تاريخنا يشهد لنا بالوقاعه
فينا علي والمعتصم وابن خطاب
وسيف الله المسلول من طول باعه
وحجاجنا بعمامته بس ينهاب
سدنا على هالكون رغم اتساعه
ذيك السياده قبل لا نصبح احزاب
ياما رعينا الوسم في كل قاعه
في كل خايع نقطع ايام معزاب
ناخذ ونعطي راعي الصاع صاعه
عدلين نوفي راعي الدين بحساب
وحكيمنا واجب علينا اتباعه
انقدمه لو كان نقال مشعاب
وحكيمهم ماله علينا وزاعه
الا اذا ماي النهر رقرق و راب
يا بنت كان القول صعب استماعه
عتما الليالي نوخت عندي ركاب
وان كان شفتي بالقرايب طماعه
شخص ٍ يضمك بالغلا تحت الأهداب
امانته من قبل ينقل متاعه
لقال يوفي وان رمى للهدف صاب
باكر تعرفينه اذا العمر باعه
وتزلزلت ارضك تحت كل الأغراب
قولي حديثك ثبت ماهو اشاعه
لا تحسبين حساب لباسة الكاب
